Stevo Pendarovski dhe Gordana Siljanovska janë kandidatët që kanë kaluar në raundin e dytë në garën për President të Maqedonisë së Veriut.
Sipas rezultateve të publikuara në faqen zyrtare të KSHZ-së të Madeqdonisë së Veriut, pas numërimit të 99.95% të votave kryeson kandidati presidencial i LSDM-së dhe koalicionit qeveritar Stevo Pendarovski me 42,84 % , i cili ka marrë në total 323.783 vota. Në vend të dytë është kandidatja e VMRO-DPMNE-së me 42,24 % ose 319.201 vota, ndërsa i treti është kandidati shqiptar i mbështetur nga ‘Aleanca për Shqiptarët’ dhe ‘Besa’, Blerim Reka me 10,57 % ose 79.913 vota.
Në votime kanë marrë pjesë 755.709 qytetarë ose 41.81% e popullsisë së Republikës së Maqedonisë së Veriut. Raundi i dytë do të mbahet me 5 maj, 2019.
***
Sipas konferencës së fundit për media të Komisionit Shtetëror Zgjedhor (KSHZ), pjesëmarrja e votuesve deri në orën 18:30 ishte 37,71%.
KSHZ theksoi se procesi zgjedhor është zhvilluar pa pengesa serioze dhe në mënyrë të rregullt.
Nga numërimi deri tani i votave, Stevo Pendarovski, i mbështetur nga koalicioni qeveritar (LSDM, BDI, Alternativa dhe 28 parti tjera), ka marrë 41,77% të votave, Gordana Siljanovska-Davkova e mbështetur nga partia opozitare VMRO-DPMNE dhe koalicioni, ka marrë 38,69% të votave dhe Blerim Reka, i mbështetur nga partitë opozitare të bllokut shqiptar, Aleanca për Shqiptarët dhe Lëvizja Besa ka marrë 15,65% të votave.
Balotazhi presidencial do të zhvillohet më 5 maj nëse asnjë nga kandidatët nuk merr më shumë se 50 plus 1 të votave.
