Faik KRASNIQI
Në dy mandatet e fundit qeverisëse, PDK-ja uzurpoi çdo institucion shtetëror dhe publik në Kosovë, duke filluar nga Qeveria, ministritë, agjensitë shtetërore, kompanitë publike, PTK-në, RTK-në, KEK-un etj. PDK-ja në këto dy mandate qeverisëse, jo vetëm që uzurpoi çdo gjë, por e degradoi Kosovën në çdo sferë të saj. Kjo parti u bë strehë e gangsterëve, kriminelëve, injorantëve, analfabetëve, uzurpatorëve, duke iu dhënë hapësirë të abuzojnë me pushtetin. Një parti që prodhoi me qindra-mijëra skandale kombëtare dhe diplomatike.
Një parti që i dha imazh të keq Kosovës, në arenën ndërkombëtare. Një parti që vodhi dhe shkatërroi çdo gjë në këtë vend. Një parti që shtetin e kapi për fyti. Një parti që e trajtoi qytetarin e saj si skllav, e veten si skllavopronarë. Një parti që ia humbi dinjitetin qytetarit të saj. Një parti që pushtetin e bëri pronë të saj. Në një parti që mbizotëroi familjarizmi. Një parti e korruptuar, e kriminalizuar, ku shumica e zyrtarëve të lartë të kësaj partie janë me dosje për vepra të ndryshme kriminale dhe pritet që të ngritet aktakuzë kundër tyre. Kjo parti Kosovën e shndërroi në një fole të krimit të organizuar.
PDK-ja të dërgohet me shqelma në opozitë!
Mos vazhdimi i seancës konstituive e paraparë për ditën e enjte më 2 tetor, e cila u shty pasditen e së mërkurës nga deputetja më e vjetër, Flora Brovina, me kërkesën dhe arsyetimin se ekziston ende nevoja për t’u gjetur mundësi të reja për tejkalimin e ngërçit politik, me të drejtë ka revoltuar pa masë koalicionin LVAN, qytetarët e Kosovës dhe ekspertë të ndryshëm e njohës të politikës kosovare në përgjithësi.
Shtyerja e njëanshme e seancës konstituive të Kuvendit nga ana e PDK-së është një sinjal i qartë se shteti është kapur për fyti.
Ky veprim skandaloz i Flora Brovinës dhe PDK-së, është motiv shtesë që kjo parti uzurpatore e shtetit, të dërgohet me shqelma në opozitë.
