Pyetesori i librit: Edmond Tupja: Edmond Dantes, personazhi im i preferuar
As nuk është zgjatur e as treguar lakonik. Ai i kësaj interviste nuk është pra Tupja, siç e keni parë, jo më imagjinuar. Ndoshta libri për të është një gjendje, shpjegimi i së cilës nuk mund të jetë libresk. Ka personazh të parapëlqyer romanesh Edmond Dantesin. A thua të ketë marrë emrin e tij?
-Libri më i vjetër që keni në bibliotekë…
Histoire du Moyen Age (Histori e Mesjetës), 1861.
-Librat i zgjidhni nga autori apo zhanri?
Nga autori.
-I keni lexuar të gjithë librat që keni në bibliotekë?
Jo, disa i kam lënë kur të dal në pension.
-Libri i parë që keni lexuar…
Përralla ruse.
-Libri i parë që keni kursyer për ta blerë…
Fatbardh Pikaloshi, nga Bedri Dedja.
-Me kë i ndanit librat kur ishit gjimnazist apo student?
Me shokët e klasës.
-A keni patur kartë anëtarësimi në Bibliotekën e qytetit?
Po.
-A shkonit në Bibliotekë dikur, dhe a vazhdoni ta frekuentoni edhe sot?
Dikur po, sot shumë rrallë.
-I keni marrë ndonjëherë një mikeshe apo miku një libër dhe me ndërgjegje nuk ia keni kthyer më? Nëse po, cili është ai libër?
Po, vetëm një herë, një libër me poezi të Viktor Hygoit në frëngjishte.
-Keni humbur libra që i keni pasur shumë të dashur?
Po, mjerisht.
-A lexonit dikur libra të ndaluar? Mund të na përmendni disa tituj dhe si i siguronit?
Po, kam lexuar shumë të tillë (Frojd, Sartr, Kamy etj.), ngaqë kam qenë student në Francë dhe i merrja lirshëm në bibliotekë ose edhe i blija.
-Dhurimin e librave është një rit që e vlerësoni, apo librat preferoni t’i zgjidhnit vetë?
E vlerësoj shumë, por edhe zgjedh vetë.
-Cilat janë zakonet tuaja të leximit? Lexoni shtrirë në kurriz, përmbys, në tryezën e punës… ?
Shtrirë ose në tryezën e punës.
-A lexoni në banjë?
Jo.
-Në çfarë gjuhe tjetër përveç shqipes lexoni?
Në frëngjishte, italishte, anglishte.
-Ç’libër keni në duar aktualisht?
“La part de l’autre”, nga Eric-Emmanuel Schmitt.
-Mbani shënime kur lexoni?
Po.
-Në letërsi ju tërheq më shumë proza apo poezia? Kur shenjoni një autor që ju pëlqen, lexoni gjithçka të tij/saj?
Proza. Jo gjithçka.
-Cilët janë ata libra apo autorë që ju rekomandoni se duhen lexuar patjetër?
Montaigne, Shakespeare, Voltaire, Baudelaire, Hugo, Camus, Sartre, G. Bataille, A. Cohen, Kadare, Kongoli.
-A ka një libër që ju e konsideroni si Librin Total?
Jo.
-Po t’ju thonë se në Arkën e Noes së Librave duhet të shtini 3 libra për t’i shpëtuar nga Apokalipsi, cilët do të ishin?
“Esetë” e Montaigne-it, “Lulet e së Keqes” të Baudelaire-it, “E Bukura e Zotit” e Albert Cohen-it.
-Na thoni një maksimë për librat që e mbani mend ose e përsërisni shpesh…
“Të lexosh a të mos lexosh, kjo është çështja”
-Na thoni një varg të preferuar poezie…
“Le vent se lève, il faut tenter de vivre” (Po ngrihet era e mëngjesit, përpiqu të jetosh) – Paul Valéry.
-Cili është personazhi i preferuar i romaneve që keni lexuar?
Edmond Dantès, sigurisht.
-Autografi më i çmuar apo më i çuditshëm që keni në bibliotekën tuaj?
Ai i Jusuf Vrionit dhe ata të Fatos Kongolit.
