Rebelët që rrethojnë Sirinë prej vitesh luten për ndërhyrjen e Shteteve të Bashkuara të Amerikës. Tani që po shpërthejnë bombat, duan që Uashingtoni të kthejë mbrapsht aeroplanët
Nga Foreign Policy
Ahmed Abu Khalaf nuk ka për ta harruar kurrë kohën kur hetuesi i tij nga Shteti Islamik i citoi fjalët e Xhorxh W.Bushit. Ishte mesi i gushtit dhe Abu Khalaf, një rebel që komandonte në një provincë të Sirisë bashkë me një grup xhihadistësh ushtronin kontroll në mbarë vendin. Hetuesi, një iraken, po ndëshkonte Abu Khalafin se kishte kundërshtuar të largohej nga Ushtria Siriane e Lirë (FSA). “Ju nuk jeni as me ne, as kundra nesh” tha hetuesi. Në ditët e para të revoltës siriane, Abu Khalaf fitoi dominim si lider i Brigadave Abbase, një grupim civilësh që mblidhnin armë për të mbrojtur protestuesit nga sulmet prej forcave të Presidentit Assad. Abu Khalaf u arrestua për një muaj e gjysëm kur xhihadistët ushtronin kontroll në provincat afër kryeqytetit. Hetuesit e tij, thotë ai, njëherësh e akuzonin se bashkëpunonte me CIA-n dhe i luteshin që të bashkohej me xhihadin. Shteti Islamik e mbajti Abu Khalafin për 10 ditë. Fill pas kësaj ai u përjashtua nga zonat nën kontroll. Ai tashmë e kalon kohën në Turqi. “Daesh [një term arabisht për Shtetin Islamik] është një partner strategjik për regjimin e Assadit” thotë ai. Por urrejtja e Abu Khalafit për Shtetin Islamik nuk do të thotë se ai është dakord me ndërhyrjen amerikane. Ai tregohet i ashpër kur diskutohet për strategjinë amerikane në Siri: luftëtarët e Shtetit Islamik, thotë ai, janë fshehur në zonat civile, gjë që do të thotë se sulmet amerikane nga ajri kanë për të sjellë një tjetër tragjedi për popullin sirian. “A e patë se ç’bënë kur u goditën kullat? Pyeti ai, duke iu referuar një sulmi në provincën e Aleppos. “Ata po shkaktojnë një tjetër tragjedi për qytetarët. Turp t’u vijë!”. Deir Ezzor, në Sirinë verilindore ka qenë synimi kryesor që nga koha e sulmeve amerikane që nisën më 22 shtator. Sulmet u përqendruan në vendet ku nxirrej nafta. Foreign policy ka arritur të intervistojë 6 komandantë të FSA nga provinca ku janë dëbuar prej Shtetit Islamik dhe janë izoluar madje edhe në Turqinë juglindore. Të gjithë u arrestuan në njëfarë mënyre prej grupit xhihadist; disa u torturuan. Të gjithë janë në një mendje ku bëhet fjalë për sulmet amerikane në vendin e tyre që janë një ide e keqe që nuk duhet përkrahur. Luftëtarët e FSA dhe komandantët janë ankuar për Foreign Policy se nuk kanë marrë mbështetje, që kur nisën përpjekjet ndërkombëtare për të luftuar Shtetin Islamik. Luftëtarët e FSA-së i kanë ulur vlerat e sulmit amerikan, duke thënë se thjesht kanë për t’u vrarë civilët dhe se regjimit të Assadit do i jepej një shans për të fituar terren edhe më shumë. Ndërkohë që islamikët e cilësojnë Presidentin Obama si “armik i Zotit”, protestuesit në qytetin e Kafr Anbel mbanin një poster që tregon prishjen e koalicionit për civilët e vrarë. Shuja al-Nuweji, komandanti i Brigadës al-Muhajireen, ka qenë një nga liderët e FSA-së. Pasi xhihadistët arrestuan disa nga luftëtarët në qytetin e Raqqës, ai u përpoq të luante fort, duke arrestuar disa nga luftëtarët e Shtetit Islamik në Deir Ezzor. Kur ran ë duart e grupit në fillim të këtij viti, ata e varën në dysheme dhe ia dogjën trupin me cigare. Nuweiji ndihmoi në formimin e brigadës së parë të FSA-së në mbrojtje të demonstruesve civilë, më 2011, kur protestat ishin arma e preferuar e lëvizjes anti-Assad. Ai kujton kohën kur prania e xhihadistëve në Deir Ezzor ishte e pakët në numër, jo më shumë se 15 luftëtarë që qëndronin në qytetin e al-Shahilit.
Takimi i tyre i parë ishte kur ai vizitoi qytetin dhe nisi të tymoste duhan në një vend publik. “Disa prej tyre erdhën dhe më thanë se nuk lejohej duhani” tha ai. Më pas shton “Mos ma thuaj këtë, ik zhduku”. Në verën e vitit 2013, Nuweji nuk e hiqte dot nga mendja Shtetin Islamik. Ai nisi në fakt t’ia kishte frikën xhihadistëve, pushteti i të cilëve po rritej dita-ditës. Grupi kishte ngërthyer rafineritë e naftës në fabrikat e Deir Ezzorit, paraja rridhte lumë, armët po ashtu pikërisht në kohën kur nuk kishin më mbështetje nga brigadat e FSA-së. Duke qenë se përpjekja e parë e Nuëeijit në përballjen e tij me Shtetin Islamik dështoi, grupi ushtronte kontroll në Deir Ezzor. Brigada e tij ka pushtuar fqinjët në qytetin që shërben si bazë për ta, thotë ai, por ata nuk kanë furnizime të mjaftueshme me armë prej luftëtarëve të Shtetit Islamik. I dëbuar në Turqi pas arrestimit të tij të dytë nga Shteti Islamik, Nuweji ka mbajtur takime të pafundme me komandantët e rinj të FSA-së në Gaziantep në përpjekje për të organizuar një sulm në Deir Ezzor. Sidoqoftë, thotë ai, të gjitha përpjekjet e tij vbazhdojnë të shtohen edhe më shumë përkundrejt një fakti të pashmangshëm: nëse nuk marrin më shum armë, ata nuk bëjnë dot atë që duan. “Nëse Shtetet e Bashkuara të Amerikës nuk i përkrahin brigadat, atëherë është e kotë gjithçka” thotë ai. “Nuk ka për të funksiounuar pa mbështetje në terren”. Shtetet e Bashkuara të Amerikës kanë deklaruar se do të shtohen trajnimet e rebelëve sirianë dhe se ata kanë pozicionuar një skuadër ushtarake në Arabinë Saudite për këtë qëllim. Liderët amerikanë duket se po nxitojnë: Martin Dempsey është shprehur “duhet ta bëjmë siç duhet, jo shpejt”. “Ajo që ka më shumë rëndësi është se Nuëeji i frikësohet ndonjë sulmi nga ana e Shtetit Islamik”. “Çdo ditë Assadi përpiqet të gjejë një vend tjetër” thotë ai. “Çdo ditë duke nisur nga koha kur nisën sulmet”. Për shumë nga rebelët e FSA-së tashmë jeta në Turqi rrjedh ngadalë. ‘Ne jemi të gatshëm të hyjmë në Siri, kur të gjejmë ndonjë organizatë që na mbështet” janë shprehur ata. Ka qenë e kotë gjithë këtë kohë pritja për mbështetje.
Liderët e brigadës që iu bashkuan grupit kanë marrë shumë para për t’ua shpërndarë luftëtarëve, ndërkohë që luftëtarët e huaj marrin 500 dollarë çdo muaj, në pagë e majme kjo për luftëtarët sirianë. Me Deir Ezzor të rrënuar nga dhuna mes regjimit dhe xhihadistëve, kjo është gjëja e fundit për të cilën ka nevojë vendi.
