Gazetari i emisionit “Opinion” në TV Klan të Shqipërisë, Blendi Fevziu, e ka cilësuar dështim ndeshjen e zhvilluar ndërmjet Serbisë dhe Shqipërisë e zhvilluar në stadiumin e Partizanit në Beograd.
Fevizu, në një intervistë për Indeksonline ka treguar disa detaje të kësaj ndeshje, ku edhe ai ishte prezent në tribuna.
“Ishte edhe një tjetër dëshmi se raportet mes dy vendeve, edhe pse ne vitet e fundit duket sikur janë normalizuar, kane mbetur shumë të distancuara”, thotë ai.
Gazetari, Fevziu frikësohet se shtëpia më e madhe e futbollit në Evropë, UEFA, mund ti dënoj dy përfaqësueset, Serbinë dhe Shqipërinë.
Mediat serbe, sipas gazetarin nga Shqipëria, janë treguar qesharake me raportimin se ai është vëllai i kryeministrit, Edi Rama.
Indeksonline: Si e vlerësoni ndeshjen ndërmjet Serbisë dhe Shqipërisë?
Blendi Fevziu: Nuk besoj se mund të quhet një ndeshje futbolli dhe as arritje që të bëhej e tillë. Ishte edhe një tjetër dëshmi se raportet mes dy vendeve, edhe pse në vitet e fundit duket sikur janë normalizuar, kanë mbetur shume të distancuara. Është tjetër të jesh afër me deklarata dhe tjetër ne realitet. Ai momenti kur tifozët thërrisnin vdekje shqiptareve ishte i frikshëm.
Indeksonline: Kush mendoni se mbanë gjithë përgjegjësinë për ekseset brenda stadiumit?
Blendi Fevizu: Unë mendoj se organizatoret serbë. Jam i bindur për këtë. Por kishte momente qe me dukej sikur policia nuk e kontrollonte dot. Unë besoj se urrejtja e mbarësuar dhe e krijuar me shekuj, nuk kontrollohet dot me polici.
Indeksonline: Çfarë note prisni nga UEFA?
Blendi Fevizu: Do doja te ishin me realiste, por kam shume frike se do ti dënojnë të dy ekipet.
Indeksonline: Si i komentoni shkrimet në gazetat serbe, se ju ishit vëllai i Edi Ramës?
Blendi Fevizu: E kam thënë, një marrëzi, kam menduar se ata janë më profesionale, por ishin qesharake…
(Foto: Gazetari Fevizu në stadiumin e Partizanit)
