Hashim Thaçi i qëndron idesë së korrigjimit të kufijve edhe pas Samitit të Berlinit. Presidenti i Kosovës insiston se më anë të korrigjimit Kosova merr territor dhe nuk jep, edhe pse duket një arsyetim i çudishëm.
I ftuar në emisionin Open me gazetaren Eni Vasili, Thaçi u pyet se sa territory humb Kosova nga “korrigjimi”, por presidenti e mohoi.
“Ideja është imja pas takimeve me liderët e Preshevës, Medvegjës dhe Bujanovcit. Duke parë rrezikun ekzistencial në ato treva për banorët e tyre, vlerësoj edhe sot në mënyrë transparente që ato t’i bashkangjiten territorit të Republikës së Kosovës. Është një korrigjim i padrejtësisë historike, i njoh njerëzit dhe kauzën e tyre, prandaj e shoh të nevojshme këtë korrigjim pa cënuar asnjë cm të territorit të Republikës së Kosovës”, deklaroi Thaçi.
“Unë jam për korrigjim, jo për shkëmbim. Këtë ide e kam prezantuar në të gjitha forumet ndërkombëtare dhe do ta prezantoj edhe në Paris”, shtoi kryeministri i Kosovës.
***
