“The Economist”
Revolucioni i teknologjisë së internetit, tani është radha e universiteteve. Prestigjiozja “The Economist” lajmëron se arsimimi nga interneti, shumë shpjet do të tronditë metodën tradicionale. E mira është se do të kushtojë më pak dhe do të vjelë shumë njerëz
Arsimi i lartë është një nga sukseset e mëdha të shtetit social. Ai që dikur ka qenë privilegj i një pakice është bërë një e drejtë e klasës së mesme, kryesisht në sajë të mbështetjes nga qeveria. Më shumë se 3.5 milionë amerikanët dhe 5 milionë europianë do të diplomohen këtë verë. Në botën në zhvillim universitetet janë të shëndetshme. Kina ka shtuar rreth 30 milionë vende në 20 vjet. Megjithatë, biznesi ka ndryshuar pak që nga mësimet e Aristotelit në Liceun e Athinës: Studentë të rinj ende mblidhen në një kohë të caktuar dhe vend për të dëgjuar diturinë e dijetarëve. Tani një revolucion ka filluar në sajë të tri forcave: kostove në rritje, kërkesës dhe teknologjisë. Rezultati do të jetë një rinovim i universitetit. Arsimi i lartë vuan nga një sëmundje që është kthyer në një tendencë së fundmi, rritja e shpenzimeve marramendëse për një vit akademik. Ndërsa çmimet e makinave, kompjuterave dhe shumë të tjerave kanë rënë në mënyrë dramatike, universitetet, të mbrojtura nga fondet e sektorit publik dhe punëdhënësve, kanë rritur gjithnjë e më shumë shpenzimet për të njëjtën cilësi shërbimi. Për dy dekada, kostoja për të shkuar në kolegj në Amerikë është rritur me 1.6 pikë përqindje më shumë se inflacioni çdo vit. Për shumicën e studentëve të universitetit, marrja e një diplome nga një kauzë për nxitje të rritjes së të ardhurave gjatë jetës është shndërruar në një borxh të madh për të filluar jetën, në disa raste deri në 590 000 dollarë. Numri i studentëve që kanë marrë borxh për studimet është rritur në mënyrë dramatike, me rreth 48 për qind në SHBA dhe në 28 % për qind në Britani. Dhe vullneti i shtetit për të dhënë mbështetje është në rënie. Në Amerikë, fondet e qeverisë për student ranë me 27% në mes të 2007 dhe 2012, ndërsa tarifat mesatare për shkollim, të rregulluara me inflacionin, u rriten me 20%. Tarifat e shkollimit në Britani, nga afër zeros në dy dekada më parë mund të arrijnë në 9000 paund në vit. Shoferi i dytë i ndryshimit është tregu i punës. Në modelin standard të arsimit të lartë, njerëzit shkojnë në universitet në të 20-at e tyre. Por automatizimi ka filluar të ketë të njëjtin efekt në punë, si për zyrtarët, ashtu edhe për punëtorët e krahut. Sipas një studimi nga Universiteti i Oksfordit, 47% e profesioneve janë në rrezik për t’u automatizuar në dekadat e ardhshme. Kjo risi fshin disa vende pune dhe njerëzit duhet të investojnë për kapitalin e tyre njerëzor gjatë gjithë jetës së tyre. Ndryshimin e madh e ka bërë interneti. Ai i ka kthyer bizneset, nga gazetat, muzika dhe deri të shitja e librit me pakicë në me kokë poshtë. Interneti në një të ardhme jo të largët duket se do të përmbysë edhe arsimin e lartë. Tani MOOC ose ““Massive Open Online Course”, po u ofron studentëve mundësi për të dëgjuar yjet e pedagogëve dhe për të marrë një diplomë vetëm me një pjesë të vogël të harxhimeve që kryhen në universitet. MOOC ka filluar në vitin 2008, dhe, siç ndodh shpesh me teknologjinë, ata kanë dështuar deri tani në premtimin e tyre. Kryesisht për shkak se nuk ka sistem formal të akreditimit dhe braktisja ka qenë e lartë. Por kjo po ndryshon investitorët si ata privatë dhe universitetet ekzistuese. Një ofrues kursesh pohon se janë mbi 8 milionë përdorues të regjistruar. Edhe pse kurset e saj janë të lira, ajo mbushi thesin e saj me të ardhura 1 milion dollarë vitin e kaluar, pas prezantimit të tarifave për mundësi certifikimi nga 30 dhe 100 dollarë. Një tjetër kompani “AT & T” është ofruar për gradime për mjeshtër online në informatikë, në më pak se një të tretën e kostos së versionit tradicional. Harvard Business School së shpejti do të ofrojë një kurs online “pre-MBA” për 1500 dollarë. Starbucks ka ofruar pagesa për stafin e tij për të marrë gradimin online në Universitetin Shtetëror të Arizonës. Shkollat online si MOOC do të ndërpresin universitete të ndryshme në mënyra të ndryshme. Jo të gjithë do të vuajnë. Oxford dhe Harvard mund të përfitojnë. Njerëzit ambiciozë gjithmonë do të duan të shkojnë në universitetet më të mira për të plotësuar ambiciet e tyre dhe ekonomia dixhitale priret të favorizojë operatorë të tillë të mëdhenj. Emrat e mëdhenj do të jenë në gjendje të shesin MOOC-et e tyre nëpër botë. Por universitetet mediokre mund të vuajnë fatin e shumë gazetave. Tregu i arsimit dhe i gazetave po vuan të njëjtën gjendje. Për shkak të teknologjisë, të ardhurat e universiteteve do të bien nga më shumë se gjysma dhe punësimi në këtë industri do të bjerë me rreth 30% dhe më shumë se 700 institucione do të mbyllin dyert e tyre. Pjesa tjetër do të duhet të rinovojë veten për të mbijetuar.
Një term i ri
Ashtu si të gjitha revolucionet, ai që po ndodh në arsimin e lartë do të ketë viktima. Shumë qytete janë të mbështetura në universitete. Në disa mënyra, MOOC do të përforcojë pabarazinë si në mesin e studentëve (të talentuarit do të ndihen shumë më rehatshëm e më të fortë jashtë mjedisit të strukturuar universitar), ashtu dhe në mesin e mësimdhënësve (ligjëruesit superstar do të fitojnë shumë të ardhura në furinë e kolegëve të tyre më pak karizmatikë). Politikanët do të vihen në mënyrë të pashmangshme nën presion për të ndalur këtë revolucion. Ata duhet të mbajnë mend se nga shpenzimet e shtetit duhet të përfitojë shoqëria si një e tërë, jo të mbrohen disa profesorë të prekur nga konkurrenca. Nga rinovimi i universiteteve do të përfitojnë më shumë njerëz. Studentët në botën e pasur do të kenë qasje në arsimin e lartë me kosto të ulët dhe me lehtësi më të madhe. MOOC gjithashtu ofron fleksibilitet për njerëz të moshuar që kanë nevojë për rikualifikim. EDX, një tjetër ofrues, thotë se mosha mesatare e studentëve të saj online në Amerikë është ajo 31-vjeçare. Në vendet në zhvillim, të tilla si Brazili, kurset online ofrojnë gjithashtu arsimim më të lirë. Dhe arsimi është bërë tashmë një treg global. “Massachusetts Institute of Technology” ka zbuluar një të ri mongol shumë të talentuar, me anë të një kursi online. Në vend që të marrin në mbrojtje modelin e vjetër, qeveritë duhet të bëjnë të mundur që një i ri të punojë më mirë. Ato mund ta bëjnë këtë duke mbështetur standardet e përbashkëta për akreditim. Në Brazil, për shembull, studentët që përfundojnë kurse të kryejnë një provim të drejtuar nga qeveria. Në shumicën e vendeve perëndimore gjithashtu do të ishte mirë që të ketë një organizatë të vetme, të pavarur, e cila vërteton rezultatet e provimeve. Rinovimi i një institucioni të lashtë nuk do të jetë diçka e lehtë. Megjithatë, kjo nuk premton arsim më të mirë për shumë njerëz.
