Ministri i Brendshëm Tahiri është munduar të shfryjë akuzat se kundër Tom Doshit është organizuar një atentat për ta vrarë, qoftë nga kunati i Berishës dhe qoftë nga Ilir Meta. “Unë jam ketu për ti dhenë fund spekullimeve të Tom Doshit dhe tymnajës së PD-së” thotë Tahiri në konferencën urgjente të shtypit. Në 6 shtator 2013 kam dëgjuar Tom Doshin ne bllokun e Durësit. Doshi më kërkoi të takoja atentatorin qe e mbante në shtëpinë e tij në Durrës. Fatjon Skenderi, ish shofer i Fatmir Mehdiut e kish dhënë porosinë për këtë krim. Doshi pretendonte se këtu ishin përfshirë edhe Agron Kuliqi dhe Fatmir Rama. Sipas Tahirit Doshi i kish thënë se këtë konspiracion e kishte nxjerrë tek vrasësit kryeprokurori i përgjithshëm (cuditërisht i pushuar sot nga detyra e tij).
Tahiri thotë se e ka takuar vrasësin e prezumuar, Duri nga Fushëkruja megjithëse i tha edhe kryeministrit se nuk besonte në këtë skenar. Megjithëse është shumë e dyshimtë se pse duhej që vetë Tahiri të takohej me kriminëlët e prezumuar ai thotë se e bëri këtë për ta futur cështjen në rrugë institucionale.
Tahiri ka hedhur poshtë edhe pretendimet se Tom Doshit kanë dashur ti bëjnë atentat në 21 qershor. Kamerat e vend ngjarjes nuk treguan gjëka thënë ai.
Në 14 shtator një një takim tjetër sipas Tahirit, Doshi nuk ka paranuar gjatë një takimi një orë e gjysëm të bëjë denoncim. Ai ka thënë se fliste vetëm Doshi ndërsa vrasësi i prezumuar nuk fliste. Në këtë bisedë doli për hetë të parë edhe emri i Metës. Vrasësi i prezumuar nuk e ka pranuar statusin e dëshmitarit të mbrojtur nga policia, por ai nuk e ka pranuar. “Ai thoshte se kishte ardhur vetëm me kërkesën e Doshit për të takuar ministrin” thotë Tahiri.
Tahiri ka thënë se ai ka dëgjuar për ekzistencën e pamjeve filmike të deponimit të vrasësit të prezumuar, por nuk i ka para kurrë ato.
Tahiri mbërriti në konkluzionin se nuk ka pasur asnjë tentativë vrasjeje nga askush kundrejt Tom Doshit.
