Duke folur për fyerjen të listave të veteranëve të UÇK-së, Isufi ka thënë se ato lista janë vërtetuar nga komisioni qeveritar dhe duhet të zbatohen.
“Janë 28 mijë veteranë siç po thuhet se do të marrin pensione, nuk bëhet nami nëse marrin pensione sepse edhe ashtu i kanë minimale”, ka thënë Isufi duke shtuar se nëse ka fryrje të listave, atëherë përgjegjësinë duhet të jap komisioni përkatës”, ka thënë ai.
Ndërsa duke folur për demarkacionin, Isufi që është edhe nënkryetar i AAK-së, ka thënë se ndonëse është paralajmëruar se kryeministri Mustafa së shpejti do t’u bëjë ftesë liderëve opozitar për të diskutuar për marrëveshjen e demarkacionit, ende nuk u ka dërguar ftesë zyrtare.
“Nuk kemi pranuar ftesë, por me ftesën duhet të jetë sqarimi se për çfarë duhet të takohen liderët politik dhe po ashtu duke ditur rëndësinë e temës së demarkacionit ne konsiderojmë që së pari qeveria duhet ta konsideroj të dështuar këtë variant të demarkacionit, sepse është tërhequr edhe nga Kuvendi ligji për demarkacionin me Malin e Zi, prandaj duhet të kthehet në pikën zero”, ka deklaruar nënkryetari i AAK-së, Ahmet Isufi.
Sipas tij, duhet të formohet një komision i ri, i pavarur i cili do të mundësonte përcaktimin e pikave të sakta kufitare të Kosovës me Malin e Zi në bazë të hartave të të gjitha llojeve të cilat megjithatë përcaktojnë një vijë kufitare me Malin e Zi.
