Ministria e Kulturës ka reaguar dje në lidhje me punimet rehabilituese në Lezhë dhe gjetjet arkeologjike. Sipas një njoftimi, kjo ministri e ka quajtur të pasaktë informacionin që qarkullon prej ditësh se Ministria e Kulturës së bashku me Këshillin Kombëtar të Arkeologjisë kanë rekomanduar me anë të disa vendimeve vijimin e punimeve infrastrukturore në zonën e gërmimeve arkeologjike.
Ministria e Kulturës ka reaguar dje në lidhje me punimet rehabilituese në Lezhë dhe gjetjet arkeologjike. Sipas një njoftimi, kjo ministri e ka quajtur të pasaktë informacionin që qarkullon prej ditësh se Ministria e Kulturës së bashku me Këshillin Kombëtar të Arkeologjisë kanë rekomanduar me anë të disa vendimeve vijimin e punimeve infrastrukturore në zonën e gërmimeve arkeologjike.
“Ministria e Kulturës sqaron se informacioni i dhënë në orët e fundit nga ndonjë media, lidhur me punimet rehabilituese në Lezhë dhe gjetjet arkeologjike është i pasaktë”, shkruhet në njoftimin e ditës së djeshme.
Në njoftim thuhet se Ministria e Kulturës së bashku me struktura të specializuara në varësi janë duke ndjekur zhvillimin e punimeve të projekteve si shëtitoret buzë lumit Drin në Lezhë, rehabilitimi i Qendrës Historike, rehabilitimi i sheshit “Gjergj Kastrioti” dhe projekti “Rrjeti i ujësjellësit në qytetin e Lezhës dhe në Balldren.
Nëntorin e vitit të kaluar, gjatë punimeve për rehabilitimin e sheshit qendror të Lezhës, punonjësit hasën në një mur, i cili daton në shekujt e parë të erës së re.
Pas këtij zbulimi, punimet u ndërprenë, në pritje të një vendimi nga Këshilli Kombëtar i Arkeologjisë.
“Për rastin konkret, projekti “Rrjeti i ujësjellësit në qytetin e Lezhës dhe në Balldren”, financim i bankës gjermane KFV, i cili synon të rehabilitojë rrjetin ekzistues të ujësjellësit, sqarojmë se gjatë zbatimit të punimeve u hasën dy struktura muresh për të cilat në mënyrë të menjëhershme, nga ekipet e specializuara të Ministrisë së Kulturës, u krye verifikimi i situatës në vend dhe ndërprerja e menjëhershme e punimeve, në pritje të vendimit të KKA, sikundër ligji përcakton”- vijon njoftimi, duke shtuar se Këshilli Kombëtar i Arkeologjisë ka analizuar projektin duke kërkuar përcaktimin dhe ndjekjen e një metodologjie për të gjithë zonën e zbatimit të projektit.
Kjo për t’i paraprirë çdo rasti gjetjesh të gjurmëve arkeologjike, për verifikimin paraprak të zonave të prekura nga ndërhyrjet e ujësjellësit, në bashkërendim me planin e punimeve të kompanisë zbatuese të projektit, e më pas kryerjen e proceseve arkeologjike deri në dokumentimin e plotë, proces ky, i cili për çdo rast mbikëqyret nga strukturat e specializuara të Ministrisë së Kulturës në bashkëpunim me ekspertë të arkeologjisë.
Sipas vendimit të KKA-së së datës 17 Mars, është urdhëruar, mbështetur nga Bashkia e Lezhës, të bëhet rilevimi dhe dokumentimi i murit antik, i cili është zbuluar gjatë punimeve mbi projektit të rehabilitimit të qendrës historike Lezhë.
Pas përfundimit të dokumentimit , është vendosur që Bashkia të kryejë punimet për kthimin e terrenit në gjendjen e mëparshme me qëllim realizimin e lulishtes së parashikuar në projektin e rehabilitimit, duke vendosur tabela informuese në të dy pozicionet ku janë zbuluar muret antikë.
Ndërsa vendimi i datës 31 Mars thotë se subjekti ndërtues që po zbaton punimet e projektit të Rrjetit të Ujësjellësit në qytetin e Lezhës dhe në Balldren, të kontraktojë një subjekt të licencuar në fushën e arkeologjisë për të ndjekur në mënyrë periodike çdo ditë kryerjen e punimeve në zonën A dhe B të qytetit duke lidhur kontratë trepalëshe me të dhe Agjencisë ne shërbimit arkeologjik. Sipas po këtij vendimi, subjekti i licencuar në fushën arkeologjike në rast gjetjesh t’i dokumentojë dhe të më tej të vijojë punë për zbatimin e projektit të ujësjellësit.
“Sa i takon dy gjetjeve të fundit, specifikisht struktura e përbërë nga një bazament i poshtëm drejtkëndor sipër të cilit ngrihet një hark në formë qemeri, për të cilin Këshilli Kombëtar i Arkeologjisë vendosi të shikohet mundësia e devijimit të linjës së ujësjellësit.
Sqarojmë se nga testimet dhe verifikimet që specialistët arkeologë të strukturave të specializuara (DRKK Shkodër, ASHA) të Ministrisë së Kulturës kryen në vend, rezultoi se realizimi i këtij devijimi është plotësisht i realizueshëm teknikisht dhe do të realizohet në ditët në vijim nga kompania e zbatimit të punimeve nën mbikëqyrjen e rreptë të strukturave të specializuara të Ministrisë së Kulturës (DRKK Shkodër, ASHA)”, – thuhet në njoftim, duke përfunduar se në praktikat bashkëkohore të arkeologjisë preventive jo domosdoshmërisht çdo gjetje rastësore në zonat urbane nxirret në sipërfaqe, por studiohet, dokumentohet dhe konservohet në gjendjen e mëparshme, për t’i dhënë mundësinë gjeneratave të ardhshme në njohjen dhe studimin e trashëgimisë kulturore.
Sipas vendimit të KKA së datës 17 mars, është urdhëruar, mbështetur nga Bashkia e Lezhës, të bëhet rilevimi dhe dokumentimi i murit antik, i cili është zbuluar gjatë punimeve mbi projektin e rehabilitimit të Qendrës Historike Lezhë. Pas përfundimit të dokumentimit, është vendosur që Bashkia të kryejë punimet për kthimin e terrenit në gjendjen e mëparshme me qëllim realizimin e lulishtes së parashikuar në projektin e rehabilitimit, duke vendosur tabela informuese në të dyja pozicionet ku janë zbuluar muret antike.
Vendimi i datës 31 mars thotë se subjekti ndërtues që po zbaton punimet e projektit të Rrjetit të Ujësjellësit në qytetin e Lezhës dhe në Balldren, të kontraktojë një subjekt të licencuar në fushën e arkeologjisë për të ndjekur në mënyrë periodike çdo ditë kryerjen e punimeve në zonën A dhe B të qytetit, duke lidhur kontratë trepalëshe me të dhe Agjencinë e Shërbimit Arkeologjik. Sipas po këtij vendimi, subjekti i licencuar në fushën arkeologjike, në rast gjetjesh t’i dokumentojë dhe më tej të vijojë punën për zbatimin e projektit të ujësjellësit.
