Kancelarja gjermane Angela Merkel ka refuzuar me bindje apelin e opozitës për një ndryshim të politikës së pritjes drejt refugjatëve pas valës së atentateve në vend në ditët e fundit.
“Gjermania mbetet besnik ndaj principeve të saj dhe do të presë ata persona që ë meritojnë”. Ndërkohë, Merkel, paraqet një plan me nëntë pika për sigurinë pas dhunës në Bavari. Mes të rejave është edhe një reduktim i pengesave për dëbim nga Gjermania.
Nga Berlini, Angela Merkel ka njoftuar masat e reja të sigurisë dhe parandalimit, por pa “rënë në urrejtje”. Në Gjermani do të ketë kontrolle maksimale në dy fronte të ndryshme: një zyrë qendrore do të vlerësojë të gjitha informacionet dhe alarmet e ardhura nga interneti, ndërsa do të forcohen kontrollet për persona që futen në vend.
Prioriteti, njofton Merkeli, është “ekuilibri mes mbrojtjes dhe të drejtave të njeriut, integrimi dhe siguria kombëtare. Politika gjermane mbetet besnike në vlerat e saj dhe ne do të presim ata persona që e meritojnë”.
Por refugjatët apo ata që kërkojnë azil dhe që kanë kryer krime apo vepa të ogla penale, janë sipas kancelares “turpi i vendit nga i cili janë mirëpritu dhe janë ndihmuar dhe strehuar, sidomos ata që kanë ardhur nga zonat e luftës”.
Kundër “kërcënimit të terrorizimit”, duhen “masa të reja”, – shtoi Merkel, duke iu përgjigjur kritikave që vijnë si nga e majta ashtu edhe nga e djathta. Ajo ka paralajmëruar që ushtria gjermane, Bundeswehr, do të “integrohet” në luftën kundër terrorizimit në Gjermani. “Duhet të mbrojmë kufijtë tanë, – shpjegon ajo, – duhet të sigurohemi që të jetojmë në mënyrë të qetë”.
Kancelarja ka dënuar me ashpërsi sulmet në Wurzburg dhe Ansbach si “aksione të terrorit islamit”. Bëhet fjalë tha Merkel “për sulme të tmerrshme dhe tronditëse. Sulme ku prishet çdo rregull i civilizimit në vend ku secili nga ne mund të ndodhej”. Autoritetet premtoi ajo, “do të bëjnë të pamundurën për t’i zbardhur”.
“11 vjet më parë, – vazhdoi Merkel, – kam thënë që Gjermania ishte një vend i fortë. Kemi bërë shumë gjëra dhe sot mendoj që do t;ia dalim. Nuk kam thënë që ishte e lehtë, por do t’ia dalim ta fitojmë këtë sfidë historike”.
