Kryetari i PR-së Fatmir Mediu tha pas mbledhjes se për momentin kemi marrëdhënie të kushtëzuar me Kuvendin
Kryetari i PD-së Lulzim Basha mblodhi sot kryesinë e grupit kuvendor si dhe aleatët, për të diskutua rrreth debateve brenda opozitës për vendimin e shumëdiskutuar të bojkotit ndaj Kuvendit. Mbledhja e sotme e kryesisë së grupit kuvendor, vjen një ditë pas debateve mjaft të ashpra në mbledhjen e grupit kuvendor të PD-së, ku shumica e deputëteve u shprehen kundër bojkotit ndaj Kuvendit. I pranishëm në mbledhjen e sotme të thirrur nga Basha ishte edhe kryetari i PR-së Fatmir Mediu, i cili është shprehur kundër bojkotit ndaj Kuvendit. Pas takimit të sotëm, Mediu u shpreh sot se për momentin opozita ka një qëndrim të kushtëzuar me Kuvendin. Aiu shpreh se opozita e ka vendin në kuvend atje ku zhvillohet debati politik dhe ku mbrohen interest e zgjedhësve.
Një ditë më parë, deputetët e grupit kuvendor të PD-së, kundërshtuan ashpër kryetarin e PD-së Lulzim basha dhe ish-kryetarin e kësaj partie Sali Berisha, për vendimin e marrë prej tyre për të vazhduar bojkotin ndaj Kuvendit. Deputetët Demokrat Astrit Patozi, Majlinda Bregu, Mesila Doda, Roland Keta, Igli Cara e të tjerë, argumentuan qëndrimin e tyre kundër bojkotit dhe kërkuan nga kryetari Basha shpejgime për marrjen e vendimit pa marrë parasysh vendimin e forumeve të partisë.
Ndërsa në mbledhjen e sotme, është diskutuar rreth debateve të djeshme të pasqyruara në media si dhe nevoja për të ridiskutuar çështjen e bojkotit ndaj Kuvendit. Burime bëjnë të ditur se në këtë mbledhje, si një ditë më parë, ka pasur mjaft debate. Kryetari Basha është përballur sërish me kundërshtitë e deputetëve për vendimin kundër bojkotit kuvendor.
