Besfort Idrizi është aktor i ri i cili ka marrë pjesë në tridhjetë shfaqe dhe filma, magjistër i strategjive të mediave dhe regjisor teatror, por ajo që len përshtypje në portofolin i tij është LajTme – program i rregullt në internet që informon për gjërat aktuale dhe lajme, përmes humorit dhe satirës. Motoja e këtij emisioni të shkurtër është “Evenimentet dhe personat në LajTme janë të rastit, përderisa dukuritë janë të qëllimshme”.
Në temën ”Si ta vejmë humorin në funksion të kritikës të dukurive shoqëroro-politike dhe ngritje të vetëdijes për çështjet aktuale?”, ai mbajti një prezantim në kuadër të konferencës së javës së kaluar për mediat shoqërore „Engage“. Ai me Radio MOF i ndau një pjesë të opinioneve të tij për humorin dhe shoqërinë në të cilën jetojmë.
Publiku në Maqedoni filloi të ju njeh nga lajmet humoristike “LajTme”. Cila është historia pas këtij projekti?
“LajTme” erdhi shumë spontanisht, shumë rastësisht, nga disa biseda të rastit midis katër persona të cilat shoqërohen dhe pinë kafe bashku, the në një qastë thamë “Mjaft më flasim, të bëjmë diçka”. Ashtu edhe doli LajTme. Një ditë thamë, hajde të bëjmë diçka, u ulëm dhe shkruam, biseduam rreth miliardë ide që mund ti realizojmë që në fund të rrumbullakohet me një edicion komik të lajmeve, të quajtur LajTme. Gjithçka bëhet në bazë miqësore, pran vullnetarisht, nuk kemi të ardhura nga fondacione, kështu që dikush do të shkruan diçka, tjetri do të merë hua një kamerë, i treti do ta liroj zyrën për xhirim etj.
Sa është frymëzuese shoqëria jonë për një seri të këtillë humorsitike?
Sigurisht që është e përshtatshme, për humor gjithçka është e përshtatshme. Por mund të them se ne si popull nuk jemi aq të guximshëm që ta marrim këtë hapësirë dhe të kemi, pse jo, edhe më shumë emisione të LajTme dhe sa më shumë produkcione tjera që do të jenë të ngjashëm me emisionin tonë. Mund të them se këtu mungon iniciativa jonë, si duket nuk jemi aq të “lëvizshëm”. Përndryshe, trualli është i shkëlqyer.
Çfarë janë reagimet e publikut dhe a pranoni ndoshta kritika nga politikanët kur bëni shaka në llogarinë e tyre?
Një gjë të tillë nuk kemi pasur, por ka mjaftë njerëz, shumë shikues, shikues të rregullt, që frikohen madje publikisht të pranojnë se na shikojnë. Megjithatë, mendoj se kjo frikë ekziston më shumë tek populli, se sa që rezulton nga vendimet politike.
A shkon humori dorë për dore me aktivizmin?
Gjithsesi, por këtu përsëri do të shprehi kritika. Tek ne disi, fjala aktivizëm fillon të fitoj kuptim tjetër, të jetë profesion dhe unë me këtë nuk mund të pajtohem assesi. Nuk mund një preson të jetë aktivist me profesion, ose është aktiv ose nuk është. Andaj, në kuadër të aktivizmit të vërtet, mund të përfshihet, dhe jovetëm humori. Unë (humorin tim) e shoh si aktivizëm dhe si një lloj të humorit që sa do që të jetë për të qeshë, aq edhe nga ana tjetër, nëse jo për të qarë, së paku për kritika dhe për regjistrim të disa gjërave që nuk duhet të ndodhin.
Sa humori dhe satira arrin ti zgjojnë njerëzit, ti shtynë që të mendojnë pak më ndryshe?
Jam i sigurt se satira i prek, nuk besoj se njerëzit pasi që ta shikojë LajTme ose diçka tjetër mbesin indiferent dhe të njejtë para se ta shikojnë atë. Tani, a arrin ti motivoj njerëzit dhe të bëj, ndonjë lëvizje më të madhe, sinqerisht nuk jam i bindur, dhe nuk mendoj se kjo është në domenin e LajTme. Humori është një lloj aparat për parashtrimin e pyetjeve, andaj ne nuk ofrojmë përgjigje. Ne më së shumti që mund të bëjmë është të parashtrojmë pyetje dhe ta lamë publikun t’iu përgjigjet pyetjeve. Mendojmë se të menduarit dhe gjetja e përgjigjeve, së paku ata që mundohen të gjejnë përgjigje, një pjesë të njerëzve u’a ndryshon mendimin.
Përcaktimi i juaj është teatri, çfarë ndodhë tej ju në këtë plan dhe cilat janë sfidat e ardhshme?
Së fundi ndodhi premiera “Personi i dyshimit”, shfaqe e cila për herë të parë luhet në gjuhën shqipe, unë isha regjisor dhe është gjithashtu aktive me gjërat që ndodhin në Maqedoni. Këto ditë jam në disa prova me një regjisor nga Kosova dhe së bashku e punojmë shfaqen Magjistari i Ozit, në Teatrin e Fëmijëve Qendër. Premiera pritet të jetë në shtator.
Aktor, regjisor, satirik. Në cilën profesion e gjeni veten më së shumti?
Nuk mund të veçoj një, të gjitha janë të ndërthurura midis vete. Po, merrem me aktrim, luaj në shfaqe, jam aktiv në teatër, nga ana tjetër jam regjisor, por gjithçka lidhet me teatrin. LajTme dhe gjërat tjera janë gjithashtu të lidhura me teatrin, me aktrimin, me këtë fushë të jetës sime. Në fund, si duket, ky jam unë.
