Vizita e Papa Françeskut në tokën shqiptare e 21 shtatorit të këtij moti nga shumë analistë u quajt si vizitë historike.Dhe vërtetë e tillë edhe ishte.Kjo edhe për faktin se vetëm brenda një njëzetëvjeçari dy Papë të Selisë së shenjtë nga Vatikani e vizituan tokën apo Vendin e Shqiponjave siç u shpreh me fjalorin e tij edhe vetë shenjtëria e tij Papa Françesku.Vetë ky fakt të bën të reflektosh se Shqipëria në veçanti dhe trojet etnike shqiptare në përgjithësi po e fitojnë atë rëndësinë gjeografike dhe strategjike të tashme dhe të ardhme në politikën e lirisht mund të thuhet edhe në kulturën e përgjithshme botërore.Edhe më historike dhe mund të thuhet dhe lapidare ishin vetë fjalët e Papa Françeskut të cilat i tha në mes të Tiranës-Kryeqytetit të Shqipërisë dhe të të gjithë shqiptarëve se:“Vendi i shqiponjave për arsye gjeografike, historike dhe kulturore i takon civilizimit europian dhe si i tillë edhe do të rrugëtojë në histori“. Përveq kësaj Shenjtëria e tij Papa Françesku sikur e bekoi kombin shqiptar për tolerancën dhe bashkëjetesën fetare të tij si askund tjetër në botë.
Vlerësimet e tilla të shenjtërisë së tij Papa Françeskut,erdhe në në momentin më të duhur dhe mund të thuhet edhe më delikat të historisë së kombit shqiptar.Kombi shqiptar në Shqipëri dhe në Kosovë si dhe gjithandej trojeve etnike shqiptare në kohët që jetojmë është i atakuar nga një islamizëm radikal me përmasa të gjëra.Gjithandej trojeve etnike shqiptare ky radikalizëm islamik i ka shtrirë degët e veta dhe nga shqiptarët kërkon që të lënë anash komb e atdhe dhe të fokusohen tek Feja,sepse sipas tyre vetëm Feja na qenka ajo që njeriu duhet praktikuar gjatë jetës së tij.Ky radikalizëm islamik i ka shtrirë rrënjët e veta sidomos në Kosovë dhe në trojet etnike shqiptare jashtë Shqipërisë?! Dhe rrënjët e tij kanë zënë të japin frytet e para: Shumë të rinj shqiptarë nga Kosova dhe trojet e tjera etnike shqiptare të infektuar nga ky opium fetar lënë shtëpi dhe atdhe dhe shkojnë në vende të ndryshme myslimane për të luftuar dhe derdhur gjak në do luftra të huaja,luftra këto që nuk kanë të bëjnë aspak me të kaluarën, të tashmen dhe të ardhmen e kombit shqiptar?!
Opiumi fetar islamik sikur ua ka mbyllur sytë e veshët të rinjëve shqiptar dhe ata as nuk duan të shohin përtej hundës së vetë dhe as të dëgjojnë përtej veshëve të vetë?!Ata.pra të rinjtë shqiptar, të frymëzuar nga ideologët e tyre fetarë,shumë nga ata për fat të keq të tokës dhe të gjakut shqiptar,shkojnë e derdhin gjakun e tyre për vende të huaja! E ata, ideologët e tyre, të financuar nga sheikë të ndryshëm të vendeve islamike,bëjnë jetë prej luksi të paimagjionuar?!Ideologët islamikë të tokës dhe të gjakut shqiptarë,veprojnë sipas asaj thënies së famshme të ca hoxhallarëve që thonë:“Bëj si them unë e mos bëj çfarë bëj unë?!“
Vizita e shenjtërisë së tij,Papa Françeskut,si dhe thëniet e tij lapidare se:“Vendi i shqiponjave për arsye gjeografike,historike e kulturore i takon civilizimit europian dhe si i tillë do të rrugëtojë në histori“ do të duhej që të ishte alfa dhe omega për të rinjët shqiptarë në veçanti si dhe për kombin shqiptar në përgjithësi,gjithadej trojeve etnike shqiptare!Të rinjtë shqiptarë në veçanti si dhe kombi shqiptar në përgjithësi, të tashmen si dhe të ardhmen e tyre duhet ta shohin të lidhur me faktorin europian dhe atë perendimor,ashtu siç na kanë mësuar edhe Rilindasit tonë të mëdhenj si Naim Frashëri,Pashko Vasa, Fan Noli, Luigj Gurakuqi,Hasan Prishtina etj, e kurrësesi me vendet islamike arabo-aziatike?!
Përveq kësaj, ideologëve islamikë të tokës dhe të gjuhës sonë, të cilët Fenë e shesin si opium për realizimin e ëndrrave të tyre fetare, duhet treguar vendin!Ata,pra ideologët e fesë islamike duhet të binden se nderin e femrës shqiptare nuk e mbron shamija-ajo copë e shtofit që mbuloka kokën, siç proklamojnë ata, por e mbron zhvillimi ekonomik i vendit!Ata duhet ta kuptojnë dhe të binden se femrat shqiptare e kanë harruar tashmë kohën e errët të shamisë dhe ferexhesë aziatiko-arabe dhe kanë hyrë në botën e ndritur evropiano-perendimore, sepse ato i kanë takuar përherë asaj bote për arsye gjeografike,historike e kulturore!…
