Vëzhgimet në motorin më të madh të kërkimit, Google, evidentojnë pesë moderatorët e programeve televizive shqiptare që janë më të kërkuara nga lundruesit në internet. Në krye të listës Top 5, është Ledion Liço, prezantues i disa programeve të Top Channel dhe duke nisur nga marsi, edhe i Big Brother Albania 8. Në vendin e dytë renditet Ermal Peçi që aktualisht gjendet në Agon Channel. Në vendin e tretë gjendet një tjetër moderator i Top Channel, Eno Popi, i cili aktualisht drejton emisionin e mëngjesit si dhe një telelojë të së martës. Në vendin e katërt renditet Drini Zeqo, moderator në Vizion Plus. Kurse në vendin e pestë gjendet një tjetër moderator i Vizion Plus, Turjan Hyska.
