Procesi i zgjedhjeve të delegatëve të PS-së në rajonin Vlorë-Gjirokastër ka pasur shumë parregullsi dhe manipulime. Konkretisht sipas burime të Lapsi.al problemet janë evidentuar në Përmet dhe Gjirokastër. 45 anëtarë të PS-së në Përmet nuk kishin emrat në listat e votimit. Në shenjë proteste ata u larguan duke bojkotuar votimin. Listat me anëtarësinë ishin dërguar në zonat përkatëse vetëm një ditë më parë nga Koço Kokëdhima.
Edhe në Gjirokastër ka pasur tension mes socialistëve, pasi mungonin shumë emra në listat e votimit. Nga ana tjetër emrat e delegatëve që ishin në fletët e votimit, nuk ishin ata të propozuar më parë nga organizatat socialiste, por ishin emra anonimë të vendosur nga deputeti Koço Kokëdhima.
Duke folur për News 24 deputeti i Permetit Vladimir Kosta, tha se procesi ka qenë i rregullt dhe nuk janë shënuar probleme. Megjithatë at e tij duhet marrë me rezervë pasi Kosta s’ka qenë në Përmet, por shoqëronte Ramën në Vlorë.
Sa i përket Gjirokastrës, Lapsi.al mëson se deputeti Kokëdhima ka futur në listat e delegatëve njerëz të përzgjedhur prej tij, jo ata që kanë propozuar organizatat socialiste. Nga ana tjetër, Kokëdhima është kujdesur që të mënjanojë nga kjo garë gjithë delegatët e mbështetur nga Arben Ahmetaj, i cili u zgjodh deputet i qarkut Gjirokastër në zgjedhjet e vitit 2013.
Synimi i Kokëdhimës është që duke pasur shumë delegatë të vetët në Kongres, mund të arrijë të përmbushë ambicien për t’u zgjedhur Sekretar i Përgjithshëm i Partisë Socialiste.
Trukimi i këtij procesi u paralajmëruar javë më parë nga deputeti Ben Blushi, sipas së cilit shumica e delegatëve janë formalisht të zgjedhur, por praktikisht të emëruar.
