Ish kryetari i Gjykatës Kushtetuese të Kosovës, Enver Hasani i cili është rreshtuar përkrah kundërshtarëve të demarkacionit me Malin e Zi, në sesionin e dytë të debatit për demarkacionin është shprehur dukshëm i zbutur.
Derisa në hapjen e debatit sot në mëngjes, Enver Hasani ishte në linjë ekstreme se demarkacioni si i tillë cenon territorin e Kosovës, në mbrëmje, gjatë përgjigjes në pyetje e debatuesve, ai u shfaq më i tërhequr dhe më i përmbajtur, transmeton lajmi.net.
Aktualisht, debati është përmbyllur dhe ekspertët e të dyja kampeve po përgjigjen në pyetjet e parashtruara.
