Sipas burimeve policore viktima është 20-vjeçarja Ana Doko nga Fieri. Sipas të njëjtave burime pista kryesore e hetimeve është depresioni, megjithëse familjarët e kanë mohuar një gjë të tillë. Ndërkohë “Panorama” shkruan sot se ajo kishte lënë një letër lamtumire përpara se kryente këtë akt. Nga kjo letër mësohen vetëm pak fjalë, por jo arsyeja që e kishte çuar drejt vetëflijimit.
“Jam lodhur nga jeta. Mos kërkoni fajin askund…”. Ka edhe disa fjalë për motrën e saj: “Amanet mamin dhe babin…”.
Pasi ka shkruar letrën, vajza u ka telefonuar prindërve të saj në Fier, duke u thënë se ndihej keq. I ati dhe e ëma janë nisur me urgjencë drejt Tiranës, pasi e kanë kuptuar nga zëri se e bija kishte një problem shëndetësor dhe janë gjendur pranë saj para se ajo të ndërronte jetë. Madje i ati ka qenë ai që i ka bërë frymëmarrje artificial deri në momentin që autoambulanca e qendrës shëndetësore të Qytetit Studenti e ka dërguar në QSUT.
