Prokuroria e Përgjithshme hodhi shortin për rivlerësimin kalimtar të prokurorëve mbështetur në ligjin “Për rivlerësimin kalimtar të gjyqtarëve dhe prokurorëve në Republikën e Shqipërisë” për procesin e “Vetting”-ut.
Për secilin prej 11 prokurorëve në short, u përzgjodhën për vijueshmërinë e procesit prokurorët Arben Kraja, Adnand Xholi, Thoma Jano, Arqile Koça, Artur Selmani, Sokol Stojani, Anila Leka dhe Kosta Beluri.
NJOFTIMI I PROKURORISE
Në Prokurorinë e Përgjithshme u hodh shorti për rivlerësimin kalimtar të prokurorëve mbështetur në ligjin Nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” për procesin e “Vetting”-ut.
Shorti u hodh nga Komisioni i Pavarur i Kualifikimit për prokurorët e Prokurorisë së Përgjithshme dhe të drejtuesve të Prokurorive të Rretheve Gjyqësorë.
Për secilin prej 11 prokurorëve në short, përzgjidhen 5 dosje nga Komisioni i Pavarur i Kualifikimit.
Procedurën e hedhjes së shortit e mbikqyri kryetari i Komisionit të Pavarur të Kualifikimit, znj.Genta Bungo. Nga hedhja e shortit u përzgjodhën për vijueshmërinë e procesit prokurorët Arben Kraja, Adnand Xholi, Thoma Jano, Arqile Koça, Artur Selmani, Sokol Stojani, Anila Leka dhe Kosta Beluri.
Çdo njoftim do të jetë i publikuar në faqen zyrtare në internet të Prokurorisë së Përgjithshme.
