Lëvizja Vetëvendosje e ka lënë me ‘gishta në gojë’ Aleancën për Ardhmërinë e Kosovës. Përveç që ia mori shefen e grupit parlamentar, Donika Kadaj-Bujupin, tash ia mori edhe atë që vetë AAK-ja e kishte formësuar si kauzë, duke u shfaqur e vetme si mbrojtëse e demarkacionit dhe duke e vendosur kështu AAK në një pozicion të papërshtatshëm politik.
Vetëvendosje, këtë kauzë politike tash po e shfrytëzon si shkas për t’i nxjerrë militantët e vet në rrugë për të protestuar.
E në krye të këtyre protestave është vënë Dardan Sejdiu, i sapoemëruar nënkryetar i Lëvizjes Vetëvendosje, i cili po tregohet shumë i zellshëm për t’i treguar militantëve të Vetëvendosjes se e meriton këtë post, duke bërë kështu përpjekje që të etablohen sa më shpejt në pozicionin e tij të ri.
Protestës në krye me Sejdiun, i është bashkuar tash edhe shefi i Sejdiut në Prishtinë, Shpend Ahmeti.
