Ministri i Rinisë dhe Mirëqenies Sociale, Erjon Veliaj, në një takim me sindikatat në Konferencën e pestë të tyre, ka propozuar që të rritet paga minimale. Ndër të tjera, ministri bëri thirrje që përfaqësuesit e sindikatave të bëjnë denoncimet për punën në të zezë dhe të mbrojnë fuqishëm interesin publik. “Nuk kemi opozitë parlamentare për shumë reforma. Madje për reformën në pensione negociuam me ju, dhe për uljen me 5 vite të moshës së daljes në pension për minatorët”, u shpreh Veliaj.
