Qytetarët ukrainas të cilët janë të paisur me pasaporta biometrike do të mund të lëvizin lirshëm në të gjitha shtetet e BE-se.
Qëndrimi në vendet e Bashkimit Evropian qytetarëve u lejohet për periudhën 180 ditëshe.
Presidenti i Ukrainës, Petro Poroshenko, kishte deklaruar për medie se lëvizja pa viza në BE nënkupton ‘lamtumirë Perandorisë Ruse’.
Poroshenko në 24 orët e fundit para se Ukraina të fitonte zyrtarisht të drejtën e lëvizjes pa viza, tha se Ukraina pret të anëtarësohet në NATO dhe BE.
Presidenti i Këshillit Evropian Donald Tusk në rrjetin social Twitter ka thënë: “Një ditë për tu mbajtur mend. Udhëtimi pa viza për ukrainasit tani është realitet, na sjell më afër”
Për liberalizimin e vizave, Ukrainën e uroi edhe Komisioneri i BE për Zgjerimin Johannes Hahn.