Në njoftimin për media jepen informata rreth këtyre bimëve që do të jenë në pullat postare.
“Aster Albanicus është një bimë barishtore shumëvjeçare, me lartësi prej 15 deri 35 cm. E përhapur në male në mes të Kosovës dhe Shqipërisë. Pupullacioni i aster albanicus gjendet afër vendbanimeve dhe nën ndikimin e kullotjes intensive. Ky lloj është vlerësuar në kategorinë me status “E Përkeqësuar” (VU), sepse si pasojë e ndikimit të faktorit antropogjen në disa lokalitete ka ardhur deri të zvogëlimi i arealit të këtij lloji”, thuhet në komunikatën e Postës.
Më tej bëhet e ditur se bima tjetër është një lloj tulipani që gjendet në malet e Pashtrikut.
“Tulipa Luanica (Liliaceae) është lloj i ri i tulipanit i zbuluar në malet e Pashtrikut, në pjesën jugore të Kosovës, afër kufirit me Shqipërinë. Zbulimi i llojit të ri të tulipanit Kosovën e radhitë në regjion të rëndësishëm dhe të pasur me specie të tulipanit. Në botë janë të pranuara 90 lloje nga gjinia e tulipanit, nga të cilat në Kosovë kanë qenë të njohura katër lloje”, thuhet më tej në komunikatë.
Ndërsa, bima e tretë është një bimë barishtore që gjithashtu gjendet në Pashtrik.
“ Solenantë Krasniqi ( Solenanthuse krasniqi) është bimë barishtore shumëvjeçare, me gjethe dhe bisqe sterile. Lulëzon në muajit qershor dhe korrik. Riprodhohet me farë. Gjendet ë Pashtrik në lartësi mbidetare 1540 metra dhe ka areal shumë të kufizuar dhe numër shumë të vogël të individëve maturë”, përfundon komunikata.
