Një arkivol me mbishkrimin “Vlora”. Është simboli i protestës së banorëve të lagjes “Kushtrimi” në qytetin bregdetar paraditen e sotme .
Qindra banorë të lagjes “Kushtrimi” në qytetin e Vlorës kanë zhvilluar protestën e tyre të radhës në mbrotje të shtëpive që do të prishen nga ndërtimi i rrugës që lidh qytetin me autostradën.
Në krye të protestës qëndronte një arkivol me mbishkrimin ‘Vlora , kjo do të jetë shtëpia jonë e fundit’.
Protestuesit mbanin në duar pankarta ku shkruhej “Jemi 130 familje jo një grusht njerëzish”, “Vlora nuk fal”, “zoti Kryeminsitër po hapni plagët e 97-s”,”Kryeministër mos i bëj nënat shamizeza” etj.
Nje prej banorëve është shtrire në arkivol për të demostruar se vetëm të vdekur mund të dalin nga shtëpitë e tyre.
Ndalesa e parë e protestuesve ishte në hyrie të xhamisë ku një nga protestuesit u shtri në arkivol duke thënë se “të gjithë do te vdesim kështu nëse nuk na japen paratë e shtëpive”.
Më tej grupi i qytetarëve u ndal te Sheshi i Flamurit ku paraqiten edhe njëherë kërkesat e tyre të cilat lidhen me shpronësimet për shtëpitë që do shemben . Ata thanë se “nuk dalim të gjallë nga shtëpia pa marrë dëmshpërblimin”. Më pas protestuesit janë shpërndarë në mënyrë paqësore . I gjithë tubimi u ndoq nga afër nga forca të shumta policie. Kjo ishte protesta e tretë e banorëve të lagjes ‘Kushtrimi’ në pritje të një dëmshpërblimi, jo vetëm për banesat me çertifikatë pronësie por edhe atyre që janë në proçes legalizimi.
