Lëkundjet e forta të tërmetit në Tiranë kanë shkaktuar panik dhe frikë tek qytetarët, të cilat kanë lënë menjëherë shtëpitë dhe kanë dalë në rrugë. Nga të dhënat e para fatmirësisht nuk raportohet për persona të lënduar.
Lëkundjet e tërmetit zgjatën për disa sekonda, ndërsa kjo shkaktoi dëme materiale në shumë banesa.
Mësohet se tërmeti i magitudës 5.8 me epiqendër në Detin Adriatik, 1 km nga qyteti i Durrësit është ndjerë në të gjithë qytetet e vendit.
Në muajt e verës Shqipëria është lëkundur disa herë nga tërmetet në disa qytete, teksa më i rëndi në bilance ishte ai i fillimit të qershorit në Korçë ku u dëmtuan shumë banesa në disa fshatra.
