Duke filluar që nga sot e deri në mbrëmjen e së dieles (17-23 Nëntor), në gjithë Kosovën, ju do të keni dhjetra mundësi të shkëlqyera të zhyteni në botën e ndërmarrësisë. Ne ju rekomandojmë që t’i përzgjedhni të paktën tri aktivitete , t’i rrumbullakësoni ato në kalendar, dhe të nisni këtë aventurë.
Global Entrepreneurship Week vjen në Kosovë për herën e dytë rradhazi, mirëpo, për herë të parë nën patronatin e Presidentes së Republikës së Kosovës, Atifete Jahjaga. Këtë vit, bashkë me 150 shtete nga e mbarë bota, bashkohemi që të shpërndajmë frymën e ndërmarrësisë.
Innovation Centre Kosovo (ICK), bashkë me 30 partnerë e mbështetës të shkëlqyer e bujarë ka planifikuar një javë të ngjeshur me 31 aktivitete, të cilat do të ofrojnë mundësi të jashtëzakonshme të të mësuarit dhe mundësi rrjetëzimi për sipërmarrës të sektoreve të ndryshëm.
Ngjarjet e GEW shërbejnë për t’u informuar në lidhje me zhvillimet e fundit inovative dhe janë vendi më përshtatshëm nëse keni ndonjë ide biznesi. Gjatë kësaj jave, akterët kryesorë të ndërmarrësisë në Kosovë do te mblidhen në një vend. Ju mund te merrni pjesë në seminare nga ekspertë të ndryshëm, trajnime profesionale, të takoni investitorë engjuj, te jeni pjese e drekave me vlerë, të dëgjoni prezantime frymëzuese dhe e keni mundesinë të uleni në tryeza të rrumbullakëta me njerëz të çmuar, përfshirë edhe ndërmarrësit më të suksesshëm shqiptaro-amerikan. Dhe e gjithë kjo është falas.
Bashkohuni me ne, ju kurrë nuk mund ta dini kur një mollë mund të ju bie mbi kokën tuaj!
Vizitoni kv.gew.co për më shumë informata.
