Për publikun deri më sot është i njohur fakti se tashmë kryetari Bahtiri ka udhëequr një fushatë interesante, dhe të papaparë në fushatat zgjedhore në Kosovë.
Mirëpo, prapa Bahtirit qendronte një ekip i tërë, i cili asnjëherë nuk u ekspozua në publik.
Shef i shtabit të kryetarit Bahtiri ishte caktuar Ismet Mulaj, i cili në vitin 2014 kishte ushtruar edhe detyrën e ministrit të Ministrisë së Tregtisë dhe Industrisë.
Mulaj në një intervistë për Veriu.info tregon shumçka nga fushata zgjedhore.
Ju keni qenë shef shtabi i z.Agim Bahtiri në zgjedhjet lokale të vitit 2013 në kohën kur u fitua Mitrovica nga AKR-ja. Si pranuat që ta drejtoni atë fushatë, kur dihet se fitorja është konsideruar një ‚mision i pamundur‘?
Mulaj: Me sa di unë propozimi që unë ta drejtoj këtë fushate ka qenë o mikut tim, z.Shefki Abdullahu. Në një bisedë me Agim Bahtirin, Shefki Abdullahu e kishte sygjeruar emrin tim. Pastaj ka qenë insistim i presidentit të AKR-së, Behgjet Pacolli që unë ta ndihmoj kandidatin për kryetar të Mitrovicës.
Ju keni pas një pervojë të gjatë në fushata zgjedhore, a ishit në dijeni që në Mitrovicë përballë PDK-së do të jetë e pamundur fitorja e kandidatit të AKR-së.
Mulaj: Po isha shumë i vetdijshëm, por në fushata zgjedhore nuk ka të pamundur. Përkundrazi, aty ku mendohet që është e pa mundur, aty depërtohet më lehtë. Ka shumë e shumë shembuj nëpër botë dhe në Kosovë.
Pse kishit bindje gjithnjë që do të fitoni në Mitrovicë, kur dihet që z.Bahtiri ishte pa përvojë politike dhe kishte jetuar shume gjatë në Përendim, larg realitetit kosovar?
Mulaj: Gjithnjë dobësitë mund të shndërrohen në avantazhe. Qendrimi i Agim Bahtirit në botën e jashtme, na e jepte mundësinë ta promovonim si person me njohje ndërkombëtare dhe me mundësi të shumta për të investuar. Po ashtu Mitrovicës i duhej një menaxher me përvojë ndërkombëtare, e jo një politikan i korruptuar provincial. Mitrovicës i duhej një kryetar që kishte guxim per t‘u përballë me të gjitha të keqijat që i ndodhnin Mitrovicës.
Cilat ishin ato të këqija dhe a ishte fajtor pushteti lokal për to?
Mulaj: Po, kishte kudo korrupsion dhe favorizimi, qytetarit i kishte ardhur në maje të hundëss çdo gjë që vinte nga pushteti. Mos të harrojmë që kishte pak te mira që ata perfitonin nga pushteti. Populli kërkonte ndryshim me çdo kusht.
Konkretisht si e ndërtuat strategjinë e fushatës zgjedhore?
Mulaj: Bëra një analizë të figurës së z.Bahtiri, arrita të kuptoj që ky njeri ka energji të jashtëzakonshme për punë, vinte nga një familje me respekt, po ashtu kishte përvojë ndërkombëtare në biznes. Këto tre kanë qenë elementet kryesore që i kemi promovuar në fushatë dhe për këto tre elemente edhe sot e kesaj dite kujtohet tashmë kryetari Bahtiri.
Fushata ishte sulmuese ndaj SHIK-ut dhe PDK-së, e asnjëherë ndaj z.Avni Kastrati që ishe kundër-kandidat?
Mulaj: Në hulumtimet tona dhe të disa institucioneve ndërkombëtare, figura e z.Kastrati dilte fitues me 50%, ndërsa të gjithë të tjerët merrnin 50 %, derisa z.Bahtiri dilte në sondazh si kandidat i tretë. Prandaj ne e anashkaluam figurën e kandidatit të PDK-së nga fushata, duke thënë që z.Kastrati është burrë i mirë, por qeveriset nga SHIK-u dhe Skenderaj, dhe që Mitrovica ka nevojë të udhëheqet nga një kryetar që i prenë këto lidhje, pra që Mitrovicën t‘ua kthej mitrovicasve. Pati shumë sukses kjo strategji, po ashtu sulmet i orientonim kah PDK e figurat kryesore që nuk kishin bërë asgjë për Mitrovicën, si Hashim Thaçi, Kadri Veseli, Bajram Rexhepi dhe Sami Lushtaku.
Kjo mënyrë e të bërit fushatë ishte me shumë rreziqe, sepse sulmohej partneri në qeverisje qendrore dhe lokale?
Mulaj: Po e vërtetë, madje kishim shumë debate brenda AKR-së për këtë mënyrë të të bërit fushatë, por kisha arrit një marreveshje me drejtuesit e AKR-së, që fushata të drejtohej sipas ideve të mia. Po ashtu kishte një besim të tepruar, që kjo fushatë nuk do të jetë fituese dhe nuk do t‘i lëkund themelet e koalicionit.
Ju po thoni që në AKR nuk kanë besuar që z.Bahtiri do të jetë fitues?
Mulaj: Jo, të gjithë nuk besonin, pos Fadil Ismajli. Ky mosbesim i tyre më krijoj hapësirën e duhur për të punuar pothuajse i pavarur.
Po thoni se as dega e AKR-së në Mitrovicë nuk kishte besim në fitore?
Mulaj: Po, ata kishin qeverisë me PDK dhe mbanin ende lidhje, sepse mendonin që ishin e vetmja alternativë për të qeverisur me PDK-në, nëse nuk fitonte Agimi. PDK i joshte me poste shumë nga zyrtarët e AKR-së në Mitrovicë. Por, me Agimin e kuptuam shumë shpejt këtë lojë, prandaj kudo deklaronim, se ne rast humbje të AKR-së, nuk kishte koalicion me PDK-në. Kjo me qëllim që të ndërpritej çdo shpresë për koalicion të mundshëm.
Me sa kujtoj unë, në atë kohë më shumë besonin gazetarët e Mitrovicës në fitoren e Agim Bahtirit se sa njerëzit që e udhëheqnin degën e AKR-së në Mitrovicë. Pse ndodhte kjo?
Mulaj: Po, kjo është e vërtetë. Gazetarët lokal të Mitrovicës kanë luajt një rol shumë të rëndësishëm që të ndryshohet ajo kastë politike në Mitrovicë. Tërthorazi kishim edhe mbështetje ndërkombëtare në këtë betejë zgjedhore. Ata te Agimi dhe AKR shikonin mundësinë që ajo zonë të paqësohej dhe të ndërptitetj korrupsioni që zhvillohej ndërmjet dy nacionaliteteve.
Z.Bahtiri pikërisht përmes portalit Veriu.info, tre orë para së të përfundoj fushata zgjedhore në balotazh tha se po ndihmohej edhe nga qarqe të PDK-së, sa ishte e vërtetë kjo apo ishte vetëm propagandë zgjedhore?
Mulaj: Po, ne kishim arritur që dobësitë e PDK-së, t‘i shndërronim në përparësi tona, duke futur përqarje dhe mosbesim te njëri-tjeteri tek ta. Është shumë e vërtetë që kishte deputetë të Kuvendit të Kosoves dhe politikan lokal që na mbeshtetnin në shumë forma.
A mund të na tregoni ndonjë emër?
Mulaj: Për mua kjo është kapitull i mbyllur. Çdo gjë do të tregohet në një libër të ardhshëm.
Si arritët që të bënit koalicion me LDK-në dhe partitë e tjera?
Mulaj: Realisht me LDK-në e kishim shumë vështirë, sepse kishte iniciativë edhe nga PDK-ja, por me z.Bahtiri menjëherë pas përfundimit të ruandit të parë, ende pa konsultim nga qendra, kemi hyrë në biseda me LDK-në, çka arritëm shumë shpejt t‘i bindim dhe ta nënshkruajmë koalicionin. Ndërsa me AAK-në nuk arritëm, për shkak se kryetari i saj shkoj me PDK, por në morëm me veti të gjithë Kryesinë dhe këshilltarët komunal, çka bëri që kandidati i AKR-së të dukej sfidues para votuesit.
Po më VV-në a kishte koalicion të fshehtë, sepse zyrtarisht nuk ka pasur asgjë?
Mulaj: Me VVnë është një tregim ndryshe. VV në Mitrovicë nuk merrte pëlqmin e qendrës që të hynte në koalicion me ne, por me drejtuesit lokal në bëmë një marrëveshje të pa nënshkruar, ku do të ndihmohej fushata e jonë me të gjitha mjetet, por pa u proklamuar. Unë i jam falenderues shumë VV-së në Mitrovicë, sepse ata ishin edhe garanca e fundit e jona në ditën e zgjedhjeve.
Dita e zgjedhjeve ishte shumë sfiduese, disa herë keni shkuar në polici?
Mulaj: Po është e vërtetë, çdo orë arresoheshin aktivistët tanë, pa përjashtim, si në rrugë dhe qendra votimi. Më duhej që t‘i nxjirrja nga policia.
Është folur që ditën e zgjedhjeve ka pas tentaviva për t‘i nderruar kutitë e votimit dhe flitej se edhe policia ishte e përfshirë?
Mulaj: Po kemi pas edhe në informata dhe i kemi raportuar në polici. Me sa di unë ka pas edhe bastisje në dy stacionet policore, lokal edhe rajonal të policisë nga EULEX-i.
Si i pritët rezultatet, sytë e Kosovës ishin kah Prishtina dhe Gjakova, përkatësisht kah Shpend Ahmeti dhe Mimoza Kusari Lila?
Mulaj: Me djalin e Agim Bahtirit, Valonin kishim ndërtuar një sistem raporti perfekt dhe kur është bërë ora 19 e 20 minuta ne kemi qenë të bindur që kemi fituar dhe në 19:30 minuta e kam shkruar komunikatën për media, bile pa e lektoruar, që kemi fitu dhe i kemi bërë thirrje PDK-së e Avni Kastratit që ta pronojnë humbjen.
Si u prit kjo fitore në AKR dhe nga z.Pacolli, kur dihet se ishte e papritur?
Mulaj: Askush nuk besonte, bile merrja edhe fjalë të forta: „që kçyre çka je duke bë e duhet nesër me u pa në Prishtinë. Por isha i bindur 100 % në fitore dhe i komunikova Presidentit Pacolli që kemi fituar dhe të lutem gezohu, se ky është gëzimi i parë në AKR që nga themelimi, sepse presidenti Pacolli gjindej në Gjakovë me gjithë Kryesinë e AKR-së.
Atë natë u bë festë e madhe në Mitrovicë, ku me mijëra qytetarë kanë qendruar për disa orë pranë zyres së AKR-së duke festuar. Pse vetëm ju ishit përkrah Agim Bahtiri?
Mulaj: Sepse të gjithë kishin shkuar në Gjakovë, pasi që aty mendohej që do të fitonim dhe askush nuk besonte për fitore në Mitrovicë. Realisht Presidenti Pacolli donte që të vinte ditën, por kisha frikë për jetën e tij, prandaj nuk e doja në Mitrovicë, por që ndërkohë erdhën disa por nuk ndejtën shumë dhe shkuan në Gjakovë.
Fitorja në Mitrovicë hyri në histori si diçka e pamundur, por u bë e mundur, pasi që as analistët nuk e besonin këtë fitore.
Mulaj: Po është e vërtetë që askush nuk besonte në këtë mision, bile thonin që kandidati i AKR-së do të fitonte vetëm 3 deri në 5 %, por koha e vërtetojë të kundërtën.
T‘i kthehemi për fund punës së tashmë kryetarit Agim Bahtiri, sa jeni i kënaqur me punën e tij?
Mulaj: Unë kam punuar për gjashtë muaj si këshilltar i tij i financuar nga një program ndërkombëtar dhe e di që ka filluar t‘i realizoj një nga një premtimet zgjedhore. E di që çdo gjë nuk mund të bëhet brenda natës, por kryetari Bahtiri është një person me energji dhe i përkushtuar për Mitrovicën. Koha do ta dëshmoj që mitrovicasit nuk kanë gabuar që e kanë bërë ndryshimin.
