Lujeta Nuzi
Drejtuese e Shpresa Programme fituese e “Shqiponja e Arte” e Samitit të parë te Diaspores”
Ne nuk e prisnim këtë çmim. Nuk na shkoi asnjëherë në mendje se puna jonë do të vlerësohej nga shteti amë, kjo për vetë faktin se ne kemi gati 15 vjet që punojmë në Londër, ku është bërë një punë masive, janë ndihmuar me mijëra vetë…
Shpresa është bërë shtëpia e shumë shqiptarëve në nevojë, dritarja e njohurive për vendin pritës për të mësuar më shumë se si të punojmë me komunitetin shqiptar. Shpresa ka luajtur një rol vendimtar në rritjen e kualitetit të mësimdhënies në gjuhën shqipe, jo vetëm mes fëmijëve që ajo ua ofron këto shërbime, por edhe të trajnojë komunitete dhe shkolla angleze, se si ato të ngrenë shërbime të tilla.
Shpresa është bërë dera e hapur për ata që vuajnë nga dhune në familje, ata që janë trafikuar apo kanë probleme mendore , në përfshirjen e të rinjve në aktivitete pozitive, sportive apo kulturore, në ndihmën e qindra grave për të ecur më përpara. Por asnjëherë nuk kemi marre një letër zyrtare urimi, apo ftese apo …..nga qeveria, pse këtë herë duhet të ishte ndryshe?
Puna ka filluar shumë shumë herët, modeli i integrimit me dinjitete që ne kemi aplikuar është vlerësuar nga institucionet me të larta në UK , ish-kryeministri Tony Blair ( 2004) Mbretesha Elizabeth ( 2006 Community Aëard ) , National Resource centre ( 2009 Special Distinction, 2015), Migrant and Refugee Women of the Year London (2012), London Youth (2014 Gold Award), NHS( 2009 and for the third time 2015) City Hall( team london2014 and Investing on Volunteering), Institute of Linguist(2014 David Crystal Award), Antislavery Commissioner(2016 Marsh Aëard) dhe shume te tjera.
Ishim skeptik për këtë event dhe akoma kemi dyshimet tona, por shpresoj dhe uroj që mendimet e të gjithë të pranishmeve të jenë marrë dhe një strategji reale për vendet përkatëse të hartohet, dhe kjo strategji të mos ngelet vetëm në letër. Është e rëndësishme që 15 institucione të nderohen me çmime, por është akoma me e rëndësishme qe me këto 15 institucione dhe shume te tjera që bëjnë një punë të mrekullueshme dhe më të vërtetë ” janë ambasadorë të përhershëm” të punohet për të vëne në zbatim këtë strategji.
Shpresa Programme beson dhe uron që ky çmim të mos mbetet vetëm një kujtim i bukur por të krijojë mundësitë të vërteta për një partneritet të sinqertë mes Shpresa Programme dhe departameneteve të ndryshme të Qeverise apo institucione të tjera për të gjetur zgjidhe të një numri problemesh me të cilat ne po përballemi:
– te kualifikimit në gjuhën shqipe (për ata që mësojnë në të njëjtën mënyrë sic ekziston për gjuhen italiane , gjermane etj)
– luftës së përbashkët për të parandaluar dhunën në familje, trafikimin, diskriminim për arsye fetare, orientimit seksual etj
– krijimit të një platforme të përbashkët për inkurajimin dhe promovimin e Kulturës shqiptare brenda komunitetit si edhe në komunitet/vendet ku jetojmë
– krijimit të një platforme të përbashkët për krijimin e mundësive për shkëmbime eksperience, talenti, individuale dhe institucionale.
