Shesheli është njëri nga disa politikanë serbë që mbështeti fuqishëm që nga fillimi kandidaturën e Donald Trumpit për president të Shteteve të Bashkuara.
Ai në një deklaratë për “Blic” thotë se nuk e dinte se Trumpi ndryshe quhet “Shesheli amerikan”, por fitorja e tij i solli gëzim të madh, transmeton lajmi.net.
“Kur e pashë se ai ishte drejt fitores, zemra ime u rrit, ajo ishte aq e madhe sa Zlatibor (qendër turistike në Serbi)”, tha Shesheli.
Presidenti i SRS-së nuk mundet t’i fshehte emocionet e fitores Trump, në mënyrën më të veçantë tha se:
“Jam i kënaqur që ai ka fituar, sepse e hodhi poshtë Hillary Clintonin. Unë mendoj se kjo do t’i sjellë botës gëzimin dhe optimizmin. Ai njoftoi se do të konsultohet me Rusinë dhe fuqitë e tjera të mëdha, por kjo mbetet të shihet.”
Sipas “Blic” ishte interesante se si lideri radikalë nuk e dinte se Trump nga analistët dhe ekspertët e huaj është quajtur “Shesheli amerikan”.
“Me të vërtetë nuk e di përse. Sido që të jetë ajo nuk është aspak fyese. Mos ndodhtë kurrë që ta quajnë atë Tadiqi amerikan, Jovanoviqi, Nikoliqi, por pse jo Sheshel”, tha ai.
[youtube https://www.youtube.com/watch?v=niJ5jzZovKM?feature=oembed&w=640&h=480]
