Mazhoranca do të presë çdo propozim që do të vijë nga opozita për 7 projektligjet e emergjencës që do të bëjnë të mundur zbatimin e reformës në drejtësi.
Këtë garanci e dha anëtari i komisionit të posaçëm për reformën në drejtësi, Ulsi Manja ne kohen kur në kampin e djathtë me porosi të kryeopozitarit Lulzim Basha deputetët anëtarë të komisionit dhe ekspertët po shqyrtojnë me hollësi 7 ligjet që do shoqërojnë paketën kushtetuese.
Manja: Anëtarët e komisionit të opozitës kanë të gjithë të drejtën të japin kontributin e tyre me sugjerimet dhe komentet për këto projektligje. Nuk besoj se do të jetë sugjerim nga e para për këto projektligje, pasi kjo paketë, sidomos projektligjet që kanë të bëjmë me sistemin e drejtësisë penale, pothuajse gjatë diskutimeve në grupet e ekspertëve të nivelit të lartë janë diskutuar në frymën e konsensusit edhe me ekspertët.
Manja u shpreh optimist për përmbylljen e 7 projektligjeve brenda afatit të përcaktuar, 15 korrikut. Në mbledhjes e së martës komisioni i posaçëm miratoi në tërësi ligjin për organizimin e prokurorisë.
