Mësimi i edukatës seksuale qysh në fillore për të informuar fëmijët dhe për ti mbrojtur nga dhuna dhe abuzimi. Është ky propozimi që ka ngjallur polemika në Britaninë e Madhe pasi një grup deputetësh akuzuan qeverinë se e ka nënvlerësuar këtë problem. Aktualisht edukimi seksual në Britaninë e Madhe mësohet në shkollat e mesme dhe të larta por në 40% të institucioneve arsimore, rendimenti është i ulët, sipas parlamentarëve. Ky propozim pritet të diskutohet në institucionet përkatëse ku do të merret edhe mendimi i prindërve, para se të marrë një formë konkrete.
