Kryeministri Edi Rama ka mbrojtur sot projektin e stadiumit të ri “Arena Kombëtare” në prezantimin para Shoqërisë Civile. Duke iu kthyer përgjigje kritikëve që i etiketoi si “teologë”, Rama tha se stadiumin e do aty logjika urbane dhe sociale e kryeqytetit.
“Sot stadiumi “Qemal Stafa” është një qendër e mjeruar tregtare me garazhe, lokale dhe mizerabilitet pa standard për qendrën e Tiranës. Është një turp mu në mes të kryeqytetit, turp potencial i madh edhe për vendin tonë. Nuk e ka Tirana luksin të ketë një gropë të errët gjatë natës mu në qëndër të saj”.
Ai tha më tej se, “Ajo që kemi bërë me Elbasan Arenën për të shpëtuar nderin e ekipit kombëtar që të mos hynim në histori si vendi i vetëm në Europë, që në kohë paqeje çon Kombëtaren të luajë në stadiumet dhe në derën e botës. Stadiumet nuk ndërtohen vetëm për futboll, vetëm për të dielën. Kam dëgjuar krahasime me Alianz Arenën. Stadiumi Kombëtar i Shqipërisë nuk e ka mundësi të mbajnë vetveten, bashkitë nuk administrojnë stadiumet”.
“Nuk e di në është gjëja e udhës që një projekt të sulmohet pa e parë. Stadiumi i ri heq parkimin e makinave, një parkim ordiner. Projekti i ri i hap rrugën për ta çliruar sheshin nga ndërtimi midis stadiumit dhe Sheratonit. Krijon dy hapësira publike. Vetëm këtu ndodh që këta teologët e trashëgimisë të duan të ecin me makinë në atë vend të ngushtë”.
Rama u përgjigj edhe për projektin e kullës në stadium, duke thënë se vendet e botës e kanë një të tillë që në fillim të këtij shekulli.
“E pakonceptueshme fobia ndaj kullave, përse i përket stadiumeve me kullë nuk janë shpikej e kësaj kohe dhe kjo kullë nuk është shpikje e arkitektëve italianë. Sikur të ishte e para kullë do ta kisha mbështetur me pasion, por nuk është e para. Kullat dhe stadiumet kanë bashkëjetuar që në fillim të shekullit të kaluar. Kulla element i kërkuar me këmbëngulje nga arkitekti, si element ikonik i stadiumit të ri.
