Zoti President!
Mos i jepni shkelmin e fundit Universitetit duke dekretuar si Rektor të Universitetit të Tiranës Z. Koni
Jo gjithmonë shumica ka të drejtë! Ishte shumica ajo që kryqëzoi Jezu Krishtin!
A mund të zgjidhet si Rektor një person që shkel Autonominë e Universitetit, Lirinë Akademike, dhe abuzon me fondet e Universitetit? JO!
A i ka kryer z. Koni shkeljet e mësipërme? PO!
Faktet:
1.Fallsifikim dokumentesh dhe emëtim vendimesh fallco në emër të Organeve Kolegjiale
Koni firmos në emër të Këshillit të Fakultetit Vendimin nr 13, datë 14.10.2014, nje dokument i fallsifikuar dhe i pa vrtetë. kur në atë mbledhje. Mjafton të shikoni proces verbalin e mbledhjes dhe del qartë se cështja në fjalë as nuk ishte në rendin e ditës dhe Këshilli i Fakultetit nuk kishte marrë një vendim të tillë. Mos harrojmë se ky Këshill aprovon dhe buxhetin e Fakultetit si dhe gjithë aspkektet finacniare të Fakultetit! Këshut i ka nxjerrë të gjitha vendimet Koni? Ky fakt do mjaftonte që të cojë në burg z. Koni.
2.Injorohet autoriteti i Këshillit të Profesorave
Asnjë proces verbal i mbledhjeve të Organeve Kolegjiale nuk është zbardhur ndonjëherë. Kjo lejonte lëshimin dhe modifikimin e vendimeve sipas interesit të atij që kishte vulën, pra Konit.
Vendimi i Këshillit të Profesorave Nr 17, datë 05.04.2014 përmban 82 kandidatë të miratura në shkollën e doktoraturave. Vendimi i Konit nr 62, datë 25.04.2014 ka 83 kandidatë. Kurse lista përfundimtare e doktorantëve të regjistruar në Fakultetin e Shkencave të Natyrës, letra e Dhori Kules nr 404/4, datë 18.2 2015 ka 102 kandidatë. Nga dolën këta kandidate shtesë? Megjithëse Ligji i Arsimit të Lartë Neni 19, Statuti i Universitetit të Tiranës Neni 42 pika 5, Rregullorja e Doktoraturave të Universitetit Neni 3 pika 3.6 thonë që vetëm Këshilli i Profesorave miraton kadidatin fitues për Shkollën e Doktoraturës, Koni e anashkalon Organin Kolegjial dhe shton te kjo listë më shumë se 20 kandidatë pa e pyetur fare Këshillin e Profesorave. Flitet se për një regjistrim në doktoraturë paguhen deri në 10000 euro!
3.Pushon nga puna Profesorin, pasi ai kundërshton shkeljet e bëra nga Koni, me dy masa disiplinore datë 10 dhe 13 Nëndor 2014, dhe pushim nga puna më 14 Nëndor 2014. Shkelje kjo flagrante e nenit 74 të Statutit të Universiteit dhe nenit 30 të Rregullores së Universitetit për dhëninen e masave disiplinore pasi Profesori nuk është thëritur asnjëherë për ti komunikuar masat disiplinore apo për të dëgjuar pretendimet e tij.
Injoron autoritetin e Përgjegjësit të Departamentit pasi jep masë disiplinore Profesorit për dhënie mësimi pa leje pranë Universitetit Mjekësor, megjithëse Përgjegjësi i Departamentit i pohon në letrën e tij datë 6.10.2014 se Profesori ka marë leje pranë Departamentit. Kjo letër e Përgjegjësit të Deprtamentit nuk u paraqit as në Gjykatë, dhe Nafije Hasko nuk e quan të arsyeshme që tja kërkojë Konit ta paraqesi, por as edhe Komisioneri për të Drejtën e Informimit e nuk e detyron Rektoratin për ta dhënë këtë nformacion kur unë ja kërkova.
4.Hakmeret ndaj profesorave që e kundërshtojnë duke shkaktuar nje vepër tjetër penale, konfiskim dhe vjedhje të sendeve personale si foto të fëmijëve, libreza pune dhe shëndetësore, suvenire, libra personal etj. Shikoni letrën e tij nr 485/1 datë 20.02.2015.
Zoti President, Zoti Kryeminsitër, Zoti Kryeprokuror i Tiranës
Ligjet e këtij vendi, përfshirë dhe Ligjin e Arsimit të Lartë, ju japin të drejtën të kontrolloni dhe të verifikoni faktet e mësipërme. Pozicioni që keni dhe besimi Popullor që gëzoni judetyrojnë ti verifikoni këto pretendime të miat para se Presidenti të dekretojë Mynyr Konin për Rektor.
Por pse shumica e Universitarëve e zgjodhi si Rektor z. Koni? Sepse e kanë frikë pasi:
Koni pushon nga puna një nga shokët e tij të vjetër vetëm se ai kundërshtoi veprimet abuzive të Konit (o Enver ku je)
Ka mbrojtjen e Gjykatës administrative e cila nuk shqyrton asnjë provë të paraqitur nga paditësit në cështjet kundër Konit. Cuditërisht kjo gjykatë cakton me “short” të njëjtën gjykatëse për cështjet kundër Universitetit të Tiranës, Nafije Haskon, e cila tund dybekun në favor të Konit.
Ka mbrojtjen e Komisionerit për të Drejtën e Informimit i cili e redukton këtë të drejtë vetëm në detyrimin e Rektoratit që të përgjigjet me refuzim cdo kërkese për informim – Ky i fundit halucinon kur thotë që Rektorati gjoja më paska vënë në dispozicion proces verbalet e zbardhura të mbledhjeve të Keshillit të Profesorave si dhe letrën e Përgjegjësit të Departamentit të datës 6 Tetor 2014. Dokumenet që akoma i kërkoj me ngulm.
Ka mbrojtjen e Ministres së Arsimit e cila për të mbrojtur Konin, shokun e vjetër të Fakultetit
injoron letrën e studentëve datë 25.11.2014 ku i kërkojnë pushimin nga puna të Dekanit kriminel (Konit)
Injoron letrën e Profesorit, të datës 16.2. 2015, i cili i parashtron një sërë shkeljesh të Ligjit të Arsimit të Lartë, Statutit të Universitetit dhe abuzime skandaloze me fondet e Universitetit
Injoron 2 letra nga Kabineti i Kryeministrit, nr. 814/1 datë 9.2.2015 dhe nr. 814/4 datë 10.4.2015 (respekte për guximin zonja Ministre), ku i kërkohet që të prononcohet për akuzat e mia bërë ndaj Konit dhe Kules dhe për pushimin abuziv që mu bë
Ka mbrojtje të policisë e cila në shkelje të Ligjit të Arsimit të Lartë futet dhe dhunon studentët që protestojnë kundër Konit
Ka zgjedhur në gjithë organigramën e Universitetit marionetat e tij dhe kështu ka kontroll të plotë mbi cdo njeri. Shikoni se cfarë ndodhi ne Fakultetin e Shkencave të Natyrës gjatë votimeve: të gjithë e dinin që Koni donte Drushkun për Dekan dhe Trojën për Përgjegjëse Departamenti me të cilët pinte kafe rregullisht para zgjedhjeve. Cuditërisht Profesorati zgjodhi kështu si donte ai. Të njejtët persona që votuan Konin te FSHN, po ata votuan dhe Drushkun për Dekan. Me lejoni të bëj një spekullim: vë bast se Senati i ri i Universitetit do Zgjedhi Kulen në Bordin e Administrimit të Universitetit, bile Kryetar të Bordit! Padrinoja i madh që mbrojti Konin gjatë zgjedhjeve përsëri do vendosi mbi financat e Universitetit, mbi lekët e studentëve së bashku me pinjollin e tij Koni.
Koni do jetë ai që firmos apo prish kontratën e cdo Profesori, dhe me të shkuarën e tij ai ka treguar që pushon cdo punonjës nga puna po qe se ai/ajo i dalin kundra.
Një njeri që rrezikon dhe jetën e fëmijës së tij për të qënë Rektor a do ndalej vallë para vendit të punës së një Profesori?
Ja pra pse Profesorati votoi për Konin: se kanë frikë për vendin e punës!
Hiqjani këtë frikë Profesoratit dhe lirojini që të shpalosin gjithë potencialin e tij duke u garantuar Autonominë dhe Lirnë Akademike që këta sulltanë ja u kanë mohuar.
Si një Profesor i cili, pas 15 vitesh në Universitete te Europës, u kthye të punonte në Universitetin i cili e kishte bërë të ndihej krenar kudo në Europe, por që u zhgënjye aq shumë kur pa se ku e kishin fundosur Universitetin njerëz si Koni dhe Kule, Ju kërkoj thjesht mos e injoroni këtë letër. Lënia dorë të lirë mbi Universitetin e njerëzve si Koni, është një shkatërrim jo vetëm për Universitetin por për të gjithë Kombin tonë. Një Komb që ka një Universitet që drejtohet nga mediokër dhe hajdutë, është i destinuar të zhduket!
I drejtohem edhe cdo prindi që con fëmijën në Universitet: Kërkoni që financat tuaja të mos shkojnë në xhepat e hajdutëve që drejtojnë Universitetet tona, por që të shkojnë në interes të fëmijve tuaj. Eksperienca ime e këtyre viteve në Universitetin e Tiranës më ka treguar se lekët tuaja shpërdorohen, vidhen dhe se fëmijëve tuaja u ufrohen kushte mesjetare në Universitet publike, nivel mediokër formimi dhe u rezikohet jeta cdo ditë nëpër laboratore pa standartet me minimale të sigurisë. Të paktën ju mos e lejoni që kjo të ndodhi.
Me respekt
Prof. Dr. Sokol Abazi.
