6 persona kanë mbëtur të plagosur mbrëmë gjatë natës në qytetin e Laçit. Ngjarja ka ndodhur në komisariatin e Laçit. I përfshirë në ngjarje është edhe deputeti i PS-së, Armando Prenga, i cili është arrestuar nga policia me urdhër të Prokurorit të Përgjithshëm. Aktulisht Prenga ndodhet në Drejtorinë e Policisë së Tiranës. Fillimisht ka nisur si një përplasje me armë të ftohta dhe shkopa bejsbolli dhe më pas është kaluar në përdorimin e armës. Kreu i opozitës Lulzim Basha reagoi menjëherë duke thënë se deputeti i PS-së ka plagosur me armë brenda komisariatit 4 anëtarë të familjes Cali.
Me këtë të fundit deputeti Prenga dyshohet se ka pasur një konflikt pronësie. Nga raportimet e deritanishme mësohet se i plagosur rëndë ka mbetur edhe vëllai i deputetit Prenga. Ai ndodhet në Qendrën Spitalore të Traumës në Tiranë.
Nga të dhënat e deritanishme mësohet se konflikti për një pronë në Lagunën e Patokut është motivi i kësaj ngjarje. Familja Cali akuzon Valentino Prengën, vëllain e deputetit të PS-së për marrjen e kësaj prone. Ndërkohë që mbrëmë deputeti i PS-së ka shkuar në lokalin e vëllezërve Tom e Nikoll Cali dhe ka goditur me grusht njërin prej tyre. Kjo ka shërbyer si shkak për të ndezur gjakrat dhe më pas në sherr janë përfshirë një numër i madh personash nga të dyja familjet. Aktualisht nuk ka ende një komunikim zyrtar të policisë së Laçit për ngjarjen, por mesohet se jane shoqeruar 34 persona qe mund te kene dijeni per ngjarjen.
Reagimi i Bashës:
“Lajm trondites nga Laci. Ne oret e para te mengjesit deputeti socialist Armando (Edmond) Prenga, ka plagosur me arme zjarri kater persona te familjes Cali brenda ne ambjentet e Policise. Me urdher te Edi Rames dhe ministrit te tij te droges Sajmir Tahiri policia ka vendosur nje shtetrrethim te vertete tek spitali dhe ka nisur manipulimin e provave dhe deshmitareve qe te mbulojne ngjarjen. Largimi i krimineleve nga Kuvendi dhe Qeveria me urgjent se kurre”- shkruan Basha në rrjetin social.
Emrat e te plagosurve
