PDK shprehet se Drejtoria e Arsimit ka shkuar aq larg sa ka marrë kurajo ta falsifikojë edhe Raportin vjetor të punës, e shkresa tjera zyrtare, ta mashtrojë Kryetarin dhe gjithë asamblistët, kjo është kur të padijshmit vishen me pushtet!
Sipas PDK-së në këtë komunë, në shkollën fillore “Gjon Serreçi”, për ta punësuar një të afërm, u morën vesh që pa konkurs, ta formojnë një klasë të re me parashkollorë duke i marrë nga 3-4 nxënës nga klasat tjera. Halli është se s’ka hapësirë të mjaftueshme, por skenari është i gatshëm: ndajeni këtë klasë përgjysmë me muri!
“E thënë e bërë dhe tani në 18m2 mësojnë hiç më pak se 24 nxënës, ky s’është mësim por “burgosje” e fëmijëve”.
Ky është reagimi i plotë i degës së PDK-së në Ferizaj
Po në këtë shkollë edhe vjet kanë punësuar pa konkurs në këtë nivel, me përgatitje Mirëqenie sociale, ndërsa, në shkollën fillore “M.Shemsedini” kemi në procesin e mësimdhënies vetëmmediplomë të shkollës së mesme…Edhe UD së drejtorit, po në këtë shkollë, veç ka shkelur në vitin e dytë si ushtrues i detyrës, ec e bjeri në fije kësaj pune, kur dihet se si është e paraparë me ligj.
Edhe në shkollën ekonomike “Faik Konica”, shkarkohet UD së drejtorit që ishte sa kohë më par dhe emërohet një tjetër UD së drejtorit, ndërrohen bash si kuleçtë e bijave, dikur, prandaj e kemi arsimin në këtë gjendje që e kemi. Për katër vende pune, këtu punojnë tetë veta, as është pedagogjike, as ligjore, është blerje e votave me vende të punës.
Në Qendën e Kompetencës, një i afërm i oborrtarëve komunal me përgatitje Bachelor i Masave plastike (pa konkurs) e ligjëron lëndën e Matematikës, a s’është mëkat ndaj nxënësve kurse ata me diplomë të FSHM bredhin rrugëve pa punë.
Pra, për hir të interesave personale, a të një grupi të ngushtë, po e shkatërroni sistemin e edukimit e të dijes, po i gjymtoni nxënësit e kësaj gjenerate, të cilët nuk do t’ua falin këto veprime me qëllime të liga që po i bëni; mallkimet e tyre do t’u rrinë varë në qafë si gurë mëkati gjatë gjithë jetës.
Po të shikohet konkursi për vitin shkollor 2016-2017 se kush është pranuar dhe kush është refuzuar, kjo s’do koment; një mal shkeljesh ligjore, një thes lëndë për gjykatë, por shtrohet pyetje:
ka apo s’ka inspektorë të arsimit?!
ka apo s’ka inspektorë të punës?!
ka apo s’ka organe për krime ekonomike?!
ka apo s’ka prokurori në Ferizaj?!
Si duket kompetentët e kësaj komune kanë mbyllur sy e veshë, as shohin, as dëgjojnë për dukuritë e tilla, edhe pse paguhen nga xhepat e taksapaguesve për t’i zbatuar ligjet në fuqi.
Prandaj, u bëj thirrje publike, organeve qendrore që të veprojnë në mënyrë imediate, të ndërmarrin diçka në këtë drejtim dhe të shpëtojnë çka mund të shpëtohet; në radhë të parë ndaj Departamentit të Ar.
Agim Berisha
Udhëheqës i Departamentit të Arsimit – Dega e PDK-së në Ferizaj
