Demokratët vazhduan të sjellin të tjera të dhëna që sipas tyre tregojnë si institucionet shtetërore financojnë kompanisë EAG. Kjo e fundit, sipas Partisë Demokratike, është në pronësi të ministrit Veliaj.
“EAG, kompania e Erion Veliajt dhe bashkëpunëtorëve të ngushtë të Edi Ramës, rezulton të jetë një grykëse e madhe. Kjo firmë qeveritare është ushqyer në mënyrë sistematike nga cdo institucion shtetëror.
Skandali me 394 milionë lekë për dekorimin e qytetit, jashtë cdo kushti teknik, është vetëm një nga aferat.
Kjo kompani është bërë e pasur me taksat e shqiptarëve.
Kemi këtu dokumentin e degës së thesarit që tregon paratë që kanë shkuar për EAG, pra për Veliaj and CO”, u shpreh koordinatorja për publikun në PD, Grida Duma.
Duma shpjegoi se ka një urdhër ndaj institucioneve që të gjitha financimet t’i cojnë te kjo kompani.
“Agjensia Kombëtare e Turizmit, 26 milionë lekë për EAG në gusht të këtij viti.
Agjensia kombëtare e Turizmit, 3 milionë e 600 mijë lekë në korrik të këtij viti.
Agjensia Kombëtare e Turizmit, 4 milionë e 690 mijë lekë, në prill të këtij viti.
Agjensia e Mjedisit dhe Pyjeve, 2 milionë e 310 mijë leekë për EAG në mars të këtij viti.
Agjensia Shtetërore për Mbrojtjen e të drejtave të Fëmijëve, 25 milionë lekë për EAG, në qershor të këtij viti.
Aluizni, 2 milionë e 190 mijë lekë për EAG në shtator të këtij viti.
Ministria e Drejtësisë, 186 mijë lekë për EAG në qershor të këtij viti.
Po në qershor të këtij viti, sërish Ministria e Drejtësisë, 600 mijë lekë për EAG”, deklaroi ajo.
Gjithashtu, DUma rikujtoi dhe një tjetër fakt.
“Përpara se të bëhej kaq e pasur, EAG ishte Gogla e Veliajt. Shqiptaret e dinin se kështu quhej kompania e regjistruar në emër të vëllait të Ministrit të Mirëqënies. Kur ishin në opozitë, sërish ata përfiton fonde.
Kështu Gogla e Veliajt, ka marrë para nga bashkitë socialiste. Më e turpshmja është një shumë prej 3 milionë e 500 mijë lekësh që ka marrë nga Bashkia e Urës Vajgurore. Kryetari i Bashkisë së Urës Vajgurore është daja i Erion Veliajt, e patjetër ai do ti jepte nipit ca taksa të shqiptarëve. Por Gogla e Velijat, edhe pse në opozitë në atë kohë, ka marrë para edhe nga Bashkia e Durrësit, apo nga Avokati i Popullit.
Kur erdhën në pushtet rilindasit, Gogla u rrit, dhe u bë EAG. E provuar tashmë nga adresa e përbashkët që kanë pasur në një moment të historikut, i njëjti apartament në Tiranë, i ndryshuar emrin nga Gogel në EAG.
Në pushtet, oreksi është rritur shumë, dhe EAG është majmur me abuzime e përfitime me taksat e shqiptarëve”, u shpreh Duma.
Edhe pse vetëm me disa muaj jetë, EAG që nuk paraqet dot një bilanc të vitit të shkuar, tha më tej Duma, rezulton se ka marrë nga zyrat e shtetit të paktën 520 milionë lekë.
“Kjo është vetëm një pjesë e përfitimeve.
Po mekanizmi i ngritur është skandaloz, është i pështirë. Cdo zyrë shteti i jep para të njëjtës kompani. Cdo zyrë shteti i jep para Erion Veliajt dhe bashkëpunëtorëve të ngushtë të Ramës.
Kjo pra është qeverisja e Edi Ramës.
Cdo gjë për xhepat dhe mirëqënien personale të Ministrit Veliaj e miqve të kryeministrit.
Ky pasurim i paturpshëm në kurriz të qytetarëve shqiptarë dhe taksave të tyre, ndodh pikërisht në kohën e varfërisë dhe skamjes, në kohën kur Edi Rama po planifikon rritjen e taksave, të cmimit të energjisë, të cmimit të naftës.
E keqja duhet ndalur”, mbylli denoncimin e PD, Grida Duma.
Live Stream
Moti
Sot
20° / 14°
20° / 14°
Nesër
21° / 14°
21° / 14°
Sondazh
Kursi i Këmbimit
USD / LEK
2,00
110.16
EUR / LEK
-0,48
139.57
GBP / LEK
2,77
177.1
CHF / LEK
-0,59
115.5
JPY / LEK
-0,30
102.56
Partnerë
