Avokati i Shtëpisë së Bardhë, Neil Egleston tha se kjo e sotmja është një ditë e mirë. Ai tha se zbutja e dënimeve për personat në fjalë ka ardhur, pasi këta të fundit kishin shkelur ligje, disa prej të cilave mund të jenë edhe të padrejta. Disa nga të dënuarit janë në burg për kontrabandë të kokainës, por me ligjet e vjetra të shtetit amerikan.
“Kjo është një ditë e mirë, jo vetëm për 214 individë, por për të gjithë njerëzit në Shtëpinë e Bardhë dhe në Departamentin e Drejtësisë dhe për organizatat e avokatisë në mbarë vendin, të cilët punojnë përditë për të zbutur padrejtësitë në ligjet tona”, tha Egleston për “Buz Feed News”.
Vendimi i marrë sot nga Obama, do të thotë se shumica e personave të cilëve iu është zbutur dënimi, do të vazhdojnë të qëndrojnë në burg, deri së paku në fund të vitit. Nga Shtëpia e Bardhë kanë thënë se amnistitë e dhëna nga Obama kanë qenë më të mirat të ndërmarra nga thuajse të gjithë presidentët që ka pasur Amerika.
