Një çantë e harruar pranë murit rrethues të Ambasadës Amerikane në Tiranë ka alarmuar policinë e shtetit. Shërbimet e policisë u njoftuan nga forcat e sigurisë së ambasadës. Në fillim është vendosur një perimetër sigurie dhe më pas është pritur të vijnë ekspertët. Por nuk është dashur ndërhyrja e tyre sepse është paraqitur një person që kishte deklaruar se ishte ai pronari i çantës së dyshimtë. Pas verifikimeve çdo gjë është sqaruar, ndërsa personi në fjalë ka dhënë dëshminë e tij ndërsa çanta është kontrolluar imtësisht.
