Drejtori i drejtorisë për investime kapitale, Hysen Durshmi në një lidhje direkte në emisionin “Ora e Fundit” tha se ky projekt ka të bëjë me unazën qendrore të Komunës së Prishtinës.
“Projekti është i nevojshëm, është një projekt kapital për Prishtinën, sepse do ta lehtësoj qarkullimin e makinave, pasi që të gjithë e dimë tollovinë që bëhet në kryeqytet”.
Hyseni tha se projekti është dyvjeçar por për shkak të buxhetit nuk do të përfundojë në këtë afat.
“Tash për tash kemi vetëm 200 mijë euro. Deri në fund të vitit të ardhshëm do të përfundojnë të dy urat. Por vështirë se do të realizohet në vitin 2017 për shkak të buxhetit”.
