Pas vjedhesve të energjise elektrike dhe ndertuesve pa leje, ndeshkimi i qeverisë do të drejtohet tek zaptuesit e tokave bujqësore. Kryeministri Rama njoftoi se po përgatitet ndryshimi i kodit penal dhe uzurpatoret, nuk do të shpëtojnë më me gjoba, por do të përballen me burgun. Ndërsa fshatarëve që lenë tokat djerrë, do t’u merret ajo.
“Toka e xanun për investitorët, toka publike, pronë shtetërore, që janë në dispozicion të shtetit për të nxitur zhvillimin intensiv duke mbështetur projekte dhe që atje rezultojnë të xanuna. Si mund të ndodhë kjo që zaptimi i tokës së shtetit, thjesht të gjobitet me ca mijë lekë. Kjo nuk mund të ndodhi dhe për këtë arsye ne do të fusim dhe këto çështje në kodin penal, dhe kjo nuk ka lidhje me shtetin policor. Kjo ka lidhje meshtetin, me ligjin, me një të vërtetë të thjeshtë që e drejta ime mbaron aty ku fillon e jotja. Ashtu sikundër toka e papunuar. Kush vend në Europë dhe nga vendet me territoret më të mëdha mund tia lejojë vetes 200 ha, në palcën e tokës bujqësore tia lërë disa individëve për të kullotur disa dele”, tha Rama.
Një tjetër ndryshim në kodin penal, i përgatitur nga qeveria është dhe ai që dënon me 1 vit burg personat që dënojnë pa leje në tokën e tyre. Ndërsa me 2 deri 8 vjet burg do të dënohen ata që ndërtojnë pa leje për qëllime fitimi. Këto ndryshime në kod u bënë të dituara nga kryeministri teksa prezantoi paketën e re lehtësuese për fermerët me 26 ndryshime ligjore. 13 prej tyre kanë hyrë në fuqi, ndërsa pjesa tjetër do të përfundojë deri në fund të 2015-s.
“Kanë të bëjnë me përmirësimin e cilësisë dhe siguisë së grumbullimit të qumshtit, me skemën e mbështetjtes së materialit biologjik me cilësi të lartë, ka të bëjnë me ligjin për rishikimin e akcizave në sektorin e prodhimit të verës dhe vreshtarisë… Amnisti dhe legalizim për mjetet bujqësore, penalizimi për diferencat në peshë gjatë kontrollit doganor”, vijoi Rama.
Qeveria synon të reformojë thellësisht sektorin e bujqësisë, duke vendosur në themel të saj, konkurrencën. Kryeministri Rama tha se gjendja aktuale është dramatike, pasi strukturat shtetërorë të bujqësisë janë thuajse jashtë funksionit. Prej vitesh qeveritë kanë preferuar të shpërndajnë thërrimet e subvencioneve në bazë të bindjeve partiake të fermerëve.
