inistri britanik Nadhim Zahawi i angazhuar për vaksinimin e popullatës, ka konfirmuar se në mbarë botën aktualisht ekzistojnë 4 mijë variante të viruseve që shkaktojnë COVID-19, kështu që të gjithë prodhuesit po tentojnë të përmirësojnë efikasitetin e tyre, shkruan Sky News.
“Ekzistojnë shumë pak gjasa që vaksina aktuale të mos jetë efikase ndaj varianteve tjera. Të gjithë prodhuesit Pfizer, BioNtech, Moderna dhe AstraZeneca dhe tjerat po bëjnë të pamundurën që të përmirësojnë vaksinat e tyre për të qenë të sigurt që jemi të gatshëm për çfarëdo lloj varianti – e në mbarë botën ekzistojnë 4 mijë mtuacione”, ka thënë Zahawi.
Mijëra variante të coronavirusit janë konfirmuar derisa virusi po pëson mutacione, përfshirë variantin britanik, të Afrikës së Jugut dhe të Brazilit për të cilët pretendohet se përhapen më shpejtë nga tjerët, e vetëm një numër i vogël i këtyre mutacioneve do të jenë të rëndësishme që ta ndryshojnë virusin në mënyrë drastike”, ka shtuar ministri britanik.
Në anën tjetër, Universiteti John Hopkins, ka bërë të ditur se coronavirusit që shkencëtarët e quajnë SARS-CoV-2, ua ka marrë jetën 2.2 milionë njerëzve në mbarë botën që kur për herë të parë u shfaq në Kinë në fund të vitit 2019.
