Kryeministri Edi Rama foli për Shengenin Ballkanit”, në konferencën e përbashkët që zhvilloi me shefin e qeverisë së Kosovës. Rama deklaroi se nuk ka “Makroshegen Shqiptar” pa “Minishengen Ballkanik”.
Ai la të kuptohet se pavarësisht se nuk ishte cekur shumë si bisedë në takimin mes tij dhe Kurtit para konferencës, qëndrimi i tij mbetet i pandryshuar për këtë çështje.
“Është e vërtetë që në këtë pikë kemi një diskutim për të çuar para, por unë besoj se nuk ka makro-shengen shqiptar, pa mini-shengen ballkanik. Makro-shengeni shqiptar është i lidhur me shengenin rajonal, se nëse ne jemi konsistent në vazhdën e procesit të Berlinit dhe nëse jemi të harmonizuar në ndërveprimin tonë.
Do të bëjmë çmos të jemi, në hapet rruga që është e mbyllur prej të gjitha viteve, për të pasur një hapësirë të përbashkët mes dy shteteve. Lëvizje të lirë mes nesh, lëvizje të lirë të mallrave dhe njerëzve. Çka deri dje ishte e paimagjinueshme për shkak të rezistencës jo vetëm të Serbisë por edhe vendeve të tjera. Sot është në dorën tonë, se këtë rezistencë e kam thyer, na takon ne të bëjmë më të mirën dhe të mos humbasim kohë.
As Serbia askush tjetër nuk na thotë që po bëjmë Shqipërinë e madhe nëse heqim kufirin. Të fillojmë nga puna me të gjitha agjencitë që garantojnë aspektet e sigurisë sipas modelit të Shengenit dhe gjitha agjencitë e tjera që duhet të çlirojnë tregtinë”, tha Rama.
