E martuar në moshë të re e më pas e ndarë, ajo e vetme detyrohet të kujdeset për fëmijën e saj dy vjeçar edhe pse në kushte të vështira jetese.
Prindërit e Fatimes nuk punojnë, madje jetojnë me një pension invalidor prej vetëm 70 euro, shkruan
Por jo vetëm kaq, dëshira dhe ëndrra e Fatimes nuk mbaron tek lëmosha, ajo ende askujt nuk i ka shtrirë dorën e nuk i ka kërkuar ndihmë që të rrisë djalin e saj të vetëm. Ajo ka vetëm një lutje, t’ia sigurojë dikush një punë.
Në profilin e saj në facebook ajo ka bërë një postim me një kërkesë fare të thjeshtë, por që vështirë po e fiton.
“Përshëndetje jam e interesume për një vend pune, pastruese, shitëse, paketim kudo qoft në Ferizaj, kam shumë nevojë për punën. Viber +37745443***. Kam fmi me rrit ju lutna mos ma merrni për dobësi”.
Është ky postimi i saj që po prek zemrat e secilit, por megjithatë punën vazhdon të mos e gjej.
Fatimja thotë për lajmi.net, se tentimin për të kërkuar punë e ka filluar qysh një kohë të gjatë, por përsëri vështirë të gjej ndonjë kontakt apo mundësi pune, prandaj edhe u detyrua ta bëjë publike e të kërkojë ndihmën e të tjerëve.
Në ditët e sotme rastet e tilla të papuna janë të shumta, megjithatë Fatimja po kërkon diçka të paktë e me ndërgjegje, sepse një punë të tillë sigurisht dikush mund ta ofrojë!
Lutja dhe kërkesa e Fatimes i drejtohet të gjithëve që kanë sado pak mëshirë për një nënë të vetmuar, e të gjithë atyre që kanë fëmijë dhe e kuptojnë problemin e saj.
Të rrisësh një fëmijë e vetme është puna më e vështirë e një nëne, por ta rrisësh në kushte të mjerueshme ajo bëhet diçka e patejkalueshme.
Kushdo që mund t’ia sigurojë një punë Fatimes, atë mund ta kontaktoni në numrin e saj, të cilin e posedon redaksia dhe mund të drejtoheni edhe në facebook.
