Nga ky proces do të ligjërohen rreth 270 mijë ndërtime pa leje të para vitit 2007. Procedurat dhe dokumentacioni për legalizimin do të ofrohen falas
Botohet në fletoren zyrtare ligji i ri i legalizimeve duke marrë dekretimin në heshtje të Kreut të Shtetit, Bujar Nishani, i cili nuk ka dhënë pëlqimin apo mospëlqimin publik për draftin që do të hyjë në fuqi me datën 27 Qershor.
Agjencia Telegrafike Shqiptare (ATSH) raporton se nga ky proces do të ligjërohen rreth 270 mijë ndërtime pa leje të para vitit 2007. Sipas deklarimeve të qeverisë, procedurat dhe dokumentacioni për legalizimin do të ofrohen falas.
Procesi i ri i legalizimeve do të bazohet jo vetëm tek vetëdeklarimet, por edhe te regjistrimet që do të bëhen në terren.
Punonjës të Agjencisë së Legalizimeve do të kontaktojnë zotëruesit e objekteve informale me qëllim që të bëhet procesi i legalizimi dhe i kalimit të pronësisë.
