Bashkimi Evropian ka kërkuar “ndërprerjen e menjëhershme” të luftimeve në Aleppo, kjo për arsye të shpërndarjes së ndihmave mjekësore dhe humanitare.
Në qytetin sirian janë bllokuar rreth 1,5 milion civile.
“BE-ja dhe anëtarët e saj po bëjnë thirrje për ndërprerjen e menjëhershme të luftimeve në Aleppo për të lejuar evakuimin mjekësor, shpërndarjen e ndihmës dhe riparimin e furnizimit me ujë dhe rregullimin e infrastrukturës së shpërndarjes së energjisë elektrike”, tha Përfaqësuesja e Lartë e BE-së për Politikë të Jashtme dhe të Siguri, Federica Mogherini.
