Empire State Building bëhet e kuqe për Donald Trump dhe blu për Hillary Clinton. Ndërtesa më e famshme në New York, ajo e Shtetit të Perandorisë, “Empire State Building” ndezi dritat e kuqe pas lajmit se Donald Trump kishte fituar garën republikane dhe pastaj u kthye në blu, kur u dha lajmi se Hillary Clinton kishte fituar në krahun tjetër.
Ndërtesa e njohur ndryshon shpesh dritat e saj për të nderuar me anë të ngjyrave, ngjarje e simbole të ndryshme.
Në këtë rast, ajo ka dhënë lajmin e rezultateve me mënyrën e saj për qytetin.
Trump dhe Clinton udhëheqin garën në partitë përkatëse dhe pritej të fitonin edhe në shtetin e tyre
Në shtetin e New Yorkut, sot u zhvilluan votimet fillimore, për zgjedhjet presidenciale 2016, ndërkohë, demokratja, Hillary Clinton dhe republikani, Donald Trump po shpresojnë, që mbas këtyre fitoreve të mëdha në New York, të kryesojnë edhe në garën për Shtëpinë e Bardhë, mbas Konventave në fund të korrikut për republikanët, dhe në gusht për demokratët.
Votimet, në shtetin e New Yorkut, sot u hapën në orën 6:00 të mëngjesit dhe u mbyllën në 9:00 të mbrëmjes, simbas kohës në bregun lindor – east coast .
Me të drejtë vote në New York, janë të regjistruar 5.8 milionë demokratë dhe 2.7 milion republikanë, përfshirë dhe një numër të pallogaritshëm shqiptarësh.
Në zgjedhjet brenda partive, që u mbajtën sot në New York, simbas shtypit njujorkez, dhe sondazheve paraprake, ishin dy pretendentët të konsideruar si më të fortët, demokratja Hillary Clinton dhe republikani Donald Trump. Dhe faktikisht ashtu rezultojë sot në mbrëmje ngaqë të dolën fitues.
Clinton dhe Trump ishin pothuajse të sigurtë, që kur nisën sot heret në mëngjes votomet, për favoritë për të fituar në Nju Jork, dhe këto fitore pritet që të jenë një nxitje e madhe për fushatat e tyre, edhe brenda dy partive atë Demokrate dhe Republikane.
Për Donald Trump, kjo është një fitore e madhe në shtetin e tij që do të “nxitë” delegatët republikan, të përkrahin emërimin e tij , sodomos duke marrë shembull nga humbjet e fundit të rivalit të tij Ted Cruz.
Cruz, nga ana e tij e argumentojë humbjen në New York, se imazhi negativ i Trumpit, në sytë e shumë votuesve, do të çojë në mposhtjen e republikanëve në zgjedhjet e nëntorit, nëse ai është kandidati republikan.
Në garën demokrate, ish sekretarja e Shtetit dhe senatorja e Nju Jorkut Hillary Clinton, që prej vitit 2000, jeton në zonën periferike të qytetit nuk e pati aq të vështirë sa mendohej fitoren, mbasi ajo shfrytëzojë mjaft mirë avantazhin e shtetit të saj, ndaj rivalit të saj brenda partisë Demokrate, socialistit të “moshuar’ senatorit Bernie Sanders, i cili mndohej se kishte bërë për vete shumë të rinjë njujorkez gjatë fushatës në New York.
Gazeta shqiptaro amerikane Illyria, e cila i ka ndjekur njësojë si shtypi amerikan këto presidenciale, ishte e para që njoftoi se Hillary Clinton ka fituar në New York.
Kryeredaktori i saj një analist i njohur i këtyre zgjedhjeve shkruan se :” Nuk u shpall aq shpejt sa gara e Republikanëve, por nuk ka më dyshim tani se Hillary Clinton ka fituar në New York, shteti ku ajo banon që nga viti 2000, thotë ai.
Gjithashtu, simbas Illyrisë, konfirmohet se Hillary Clinton, fitoi në të gjitha lagjet ku banojnë shqiptarët
Hillary Clinton udhëheq me 61%, pasi janë numëruar 21% e votave por ende nuk është shpallur fituese, sepse rezultati mund të ndryshojë, por shumë pak gjasa ka për t’u përmbysur.
Megjithatë, nuk ka dyshim se ajo do të fitojë në të gjitha zonat ku banojnë me shumicë shqiptarët e Amerikës, shkruan Illyriapress.
Në Bronx, ajo udhëheq me 72% ndërsa Sanders ka vetëm 21%. Po kështu udhëheq në të gjitha lagjet kryesore të qytetit madje edhe në Westchester, sipas saj. .
Donald Trump fiton në New York, pa u mbyllyr kutitë e votimit, njoftoi shtypi amerikan, i cili i ndoqi me shumë vemendje këto zgjedhje.
Donald Trump nuk i ka zhgënjyer parashikimet. Ka fituar fuqishëm në New York, shkruan kryeredaktori i gazetës shqiptaro amerikane Illyria, Ruben Avxhiu, duke shtuar se
“Manjati i pronave të patundshme që ka dhjetëra ndërtesa këtu në metropolin e madh botëror ka fituar bindshëm zgjedhjet në shtetin që e quan shtëpi të tij”.
Simbas tij, dy rivalët e tij, John Kasich dhe Ted Cruz, bënë gjithësesi fushatë duke shpresuar për votën e republikanëve, që druhen nga retorika e skajshme e kandidatit kryesor, sidomos votën e republikanëve hispanikë.
Dhe shtonë se numërimi i votave sapo ka filluar, por fakti që exit polls e shpallën fitues gati një minutë pas mbylljes së kutive, është një dëshmuese më shumë se Trump ka arritur një fitore masive në shtetin e tij.
Duke analizuar votimet e kampit republikan sot në New York, analisti shqiptar Ruben Avxhiu, thotë se” Trump, shpreson të kapë 80 deri ne 85 nga 95 delegatë gjithësej që do të nisen nga Neë York-u për në Konventën Kombëtare,”
Ky është në fakt, thotë ai një rezultat jo shumë i lehtë. Duhet që Trump të marrë mbi 50% të votave në mbarë shtetin plus fitore në të paktën gjysmën e 27 distrikteve kongresiste në New York.Të shohim në fund të numërimit nëse do ta arrijë këtë synim tepër ambicioz.
Duke folur përpara zgjedhësve, të mbledhur në ndërtesën e quajtur në mënyrë të përshtatshme, Trump’s Toëer (Kulla e Trampit), kandidati republikan tha se gara ka mbaruar praktikisht.
“Kruz ka dalë jashtë loje sot”, tha Trump, shkruan Illiriapress online pas rezultateve të para në New York, ku dy kandidatët nga New Yorku, Donlad Trump dhe Hillary Clinton kan fituar.
