Autorët e grabitjes së filialit “Union Bank” nuk kanë vepruar të vetëm, por kanë pasur bashkëpunëtorë edhe brenda bankës.
Drejtori i departamentit të Sigurimit 54 vjeçari Qirjako Taçe si dhe shoqëruesi i vlerave monetare Robert Fetahu janë ndaluar nga policia pasi akuzohen si bashkëpunëtorë të autorëve të grabitjes, ende të paidentifikuar.
Të dy këta shtetas janë të dyshuar se kanë patur bashkëpunim me autorët e ngjarjes, duke mos ushtruar kompetencat e tyre, si detyrë funksionale, dyshohet se kanë ofruar mundësimin apo krijimin e kushteve për dhënie informacioni.
Ndërkaq jashtë dyerve të bankës tre grabitësit dyshohet se kanë pasur bashkëpunëtorë, disa prej rojeve të sigurisë që u vunë në pranga nëj ditë pas grabitjes spektakolare të Union Bank pranë stacionit të trenit në Tiranë, më 13 shkurt 2015.
Nga të dhënat paraprake, dyshohet se shuma e vjedhur nga banka, mund të jetë afësisht 2 milion euro.
Sipas organit të akuzës punonjësit e shoqërisë së sigurimit kanë kryer veprime të cilat dyshohet që të kenë lehtësuar kryerjen e veprimeve të personave të armatosur me armë zjarri.
Më konkretisht mjeti i blinduar si dhe mjeti i eskortes, te drejtuar nga shtetasit Tomorr Hidri dhe Artan Dervishi, jane vendosur përballë me hyrjen e tunelit dhe në distancë me tunelin duke krijuar hapësirën e nevojshme për kryerjen e veprimeve nga ana e personave te armatosur.
Të dy këta shtetas nuk ka qenë në vendet e tyre te drejtimit të mjeteve, por kanë qenë të angazhuar me transportimin e vlerave monetare dhe nuk kanë kryer asnjë veprim për të ndaluar personat e armatosur, madje kane lehtesuar kryerjen e veprimeve per personat e armatosur pasi u kanë siguruar këtyre të fundit mjetin për tu larguar nga vendi i ngjarjes si dhe hapësirën e nevojshme për tu larguar. Të gjithë punonjësit e sigurisë kanë pasur dijeni për transportimin e parave mbi një orë para se të ndodhte grabitja.
Prokuroria nënvizon se Personat e armatosur i jane drejtuar shtetasit Tomorr Hidri per te ndezur mjetin e eskortes, dhe ky i fundiy i ka dhënë çelësat e mjetit personave të armatosur.
Pasi prokuroria paraqiti të gjtiha provat Gjykata e Krimeve të Rënda vendosi masën e sigurisë 30 ditë burg për 5 punonjësit, Artan Dervishi, Dritan Duka, Saimir Nikoci, Ilir Syla, Tomorr Hidri, ndërsa për shefin e roje private Ismet Gjici, gjykata dha masën e sigurisë “Detyrim Paraqitje. ”
