Kelmendi shprehet i bindur se brenda këtij viti vendi do të shkojë në zgjedhje.
“Vendi po shkon drejt zgjedhjeve të parakohshme. I ashtuquajturi koalicioni i elefantëve ka dështuar në shumë procese të ndjeshme të cilat Kosova është dashur të kalojë në to. Në momente të caktuara këto parti e kanë pas dinakërinë mes vete dhe vet fakti qe nuk kemi arritë në dy seanca ta kalojmë ligjin për investime jep kuptim qe ky koalicion nuk ka menduar për qytetarët”, ka thënë Kelmendi në Tribuna Channel.
Nëse Qeveria, sipas tij, dështon ta kalojë demarkacionin atëherë duhet ta japë dorëheqje morale. E organizimin e një tryezë mes liderëve, ai e ka vlerësuar si jo parimore, e cila nuk do të sjellë kurrfarë rezultate.
Kelmendi po ashtu është shprehur kundër formës aktuale të Asociacionit të Komunave më shumicë serbe.
