SHBA, Gjovalin “Joe” Gjergji u mbajt në ruajtje nga Agjencia e Emigracionit dhe Doganave me bindjen se kishte kryer krim të rëndë, shkruajnë mediat amerikane, citon Syri.net.
Jacksonville – Një biznesmen amerikan i lindur në Shqipëri, që ishte mbajtur prapa hekurave në Baker County për afro dy vjet pa u akuzuar për krim, është liruar me kusht.
Gjovalin “Joe” Gjergji, bashkëpronar i një restoranti në San Marco dhe me banim të përhershëm në SHBA, u kap nga agjentët federalë në dhjetor të 2014-ës dhe u arrestua, pa u prangosur, në një paraburgim në Baker County për 19 muaj.
Pronari i biznesit në San Marco tha se qeveria shkeli të drejtat civile të tij; Gjergji tha ai ishte piketuar gabimisht dhe ishte mbajtur padrejtësisht nga qeveria.
Ai nuk ishte akuzuar për krim dhe mbahej në pritje, pasi Kongresi kishte vendosur të kontrollonte emigrantët që kryenin krime të dhunshme. Vite më parë ai ishte dënuar për shitjen e një arme tek një kriminel i dënuar në 2007-ën, kur ishte 18 vjeç e ku askush nuk ishte vrarë dhe u dënua me shërbim prove për tre vjet, në përputhje me të gjitha kushtet.
“Joe e ka pranuar atë që bëri, dëshmoi të vërtetën në gjyq dhe pagoi çmimin për atë,” tha avokati i Gjergjit, Daid Vedder në maj.
Por në vitin 2014, Gjergji u kap nga oficerët e Agjencisë së Emigracionit dhe Doganave (ICE) të SHBA dhe u etiketua prej qeverisë si një “kriminel i thekur” që do të thoshte se ai duhej të deportohej në vendin e tij, në Shqipëri, për atë krim.
“Ishte e tmerrshme,” tha Gjergji.
Një gjykatës federal i emigracionit në Orlando e liroi atë nga prangat javën e kaluar pas më shumë se 19 muajve paraburgim. Gjatë asaj kohe ai ishte lejuar të shikonte gruan e tij dhe vajzën e vetme përmes një monitori.
“Unë dola jashtë dhe u ula në barin e parkingut,” tha Gjergji. Pashë qiellin dhe mendova:”Oh, falë Zotit jam në shtëpi.” Nuk mund ta besoja”.
Agjencia e Emigracionit dhe Doganave lëshoi një deklaratë lidhur me këtë rast, sesi ndodhi, citon Syri.net.
“Ishte e padrejtë. Ishte me të vërtetë e padrejtë sesi u trajtova,” tha Gjergji. Por ai tha se tani është fokusuar në anën pozitive të gjeravë dhe është mirënjohës për këtë shans të dytë që iu dha.
“Dua të kaloj kohë me gruan time, me vajzën time, me familjen dhe t’i kthehem punës,” tha.
Dhe tani është kthyer për të punuar në restoratin ku familja e tij është pronare dhe vuri në dukje se ka fatura të mëdha për t’i shlyer avokatit, por që nuk mund të vendosej asnjë çmim mbi lirinë./Syri.net
