Të shtënat festive bënë jehonë në të gjithë Kabulin ndërsa luftëtarët talebanë morën kontrollin e aeroportit para agimit të martën pas tërheqjes së trupave të fundit amerikanë, duke i dhënë fund luftës 20 -vjeçare që e la milicinë islamike më të fortë se në vitin 2001.
Pamjet video tronditëse të shpërndara nga talebanët treguan luftëtarë që hynin në aeroport pasi trupat e fundit amerikane u ngritën një minutë para mesnatës, duke shënuar fundin e një daljeje të nxituar dhe poshtëruese për Uashingtonin dhe aleatët e tij në NATO.
“Ushtari i fundit amerikan është larguar nga aeroporti i Kabulit dhe vendi ynë fitoi pavarësinë e plotë,” tha zëdhënësi i talebanëve Qari Yusuf, sipas Al Jazeera TV.
Video u bë virale momenti kur talebanët hyjnë në aeroportin e Kabulit, armët jashtë aerportit ishin si shenjë e festimi. Pamjet u trasmentuan nga Reuters dhe mediat e tjera ndërkombëtare.
Ushtria amerikane ndau një imazh të marrë me optikën e shikimit të natës të ushtarit të fundit amerikan që doli në bordin e fluturimit përfundimtar të evakuimit nga Kabuli – gjeneralmajor Chris Donahue, komandant i Divizionit të 82 -të Ajror.
Reuters shkruan se mijëra afganë kanë ikur tashmë nga frika e hakmarrjeve talebane. Një transport ajror masiv por kaotik nga Shtetet e Bashkuara dhe aleatët e tij gjatë dy javëve të fundit arriti të evakuojë më shumë se 123,000 njerëz nga Kabuli, por dhjetëra mijëra që ndihmuan vendet perëndimore gjatë luftës u lanë prapa.
